 |
|
|||
هەولێر – ZNA حەمەی حەمەسەعید، وەزیری رۆشنبیری و لاوانی حکومەتی هەرێمی کوردستان لە سێیەم رۆژی چالاکییەکانی فێستیڤاڵی فیلمی کوردی مۆسکۆ، ئامادەی نمایشی فیلمی "تەمبوور" بوو.
فیلمەکە لەلایەن دەرهێنەر و میوزیکژەنی کورد فەرید ئیلهامی دەرهینراوە، ناوەڕۆکی فیلمەکە باس لە ناسنامەی ئامێری میوزیکی تەمبوور دەکات.
پاش تەواوبوونی فیلمەکە، لەلایەن ئامادەبوانەوە گفتوگۆ لەبارەی تەمبوور و ئایینی یارسان کرا، دەرهێنەری فیلمەکە وەڵامی پرسیاری ئامادەبوانی دایەوە، یەکێک لەبەشداربوان خاتوومارگرێتا ئیڤانۆڤنە کاراتیگینا بەرپرسی بەشی هاوکاری نێودەوڵەتی و پێکەوە کارکردنی پرسە نێودەوڵەتییەکانی کۆنسێرڤاتۆری چایکۆفسکی داوای کرد هاوکاری دامەزراوەکەیان بکرێت لەڕوی پێدانی سەرچاوەی زانستییەوە بۆئەوەی بتوانن گرنگی بە تەمبوور و مەقامەکانی یارسان بکەن.
فەرید ئیهامی میوزیکژەن و دەرهێنەری کورد، لە یەکەم ڕۆژی فێستیڤاڵی نێودەوڵەتی فیلمی کوردی مۆسکۆ چەند ئاوازێکی میوزیکی پێشکەش کرد و بەرهەمەکەی بووە مایەی بایەخپێدانی ناوەندە کولتووری و هونەری و ئەکادیمییەکانی ڕووسیا و کۆنسێرڤاتۆری چایکۆڤسکی پێشنیازی کرد، فەرید ئیلهامی لە زۆربەی شارەکانی رووسیا کۆنسێرتی هونەری ساز بکات. ئەم هەواڵە 277جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad