English | عربی | Kurdî دواهەواڵ
ڕاستەوخۆ  
 
  خولی ساڵی 2023ی “کۆڕبەندی سامسۆنگ بۆ زیرەکی دەستکرد”تیشک دەخاتە سەر پێشکەوتنە سەرەکییەکانی زیرەکی دەستکرد و ئەندازیاری کۆمپیوتەر
2023-11-11 [04:14 AM]

هه‌ولێر (zna)



کۆمپانیای سامسۆنگ ئەلیکترۆنیکس ئەمڕۆ "کۆڕبەندی سامسۆنگ بۆ زیرەکی دەستکرد"ی کردەوە، کە نوێترین دەستکەوتەکانی توێژینەوە لە بواری زیرەکی دەستکرد و ئەندازیاری کۆمپیوتەر پیشان دەدات، بۆ بەهێزکردنەوەی بنەمای تەکنەلۆژی داهاتووی کۆمپانیاکە لەبارەی درووستکردنی نیمچە گەیەنەر.
بە ئامادەبوونی زیاتر لە هەزار کەس کە لە ئەکادیمیای باڵا و پسپۆڕانی پیشەسازی و توێژەران و خوێندکاران پێکهاتبوون، ئەمڕۆ یەکەم ڕۆژی خولی حەوتەمی کۆڕبەندی سامسۆنگ بۆ زیرەکی دەستکرد لە سەنتەری کۆنفرانسی سوون لە شاری جیۆنجی کۆریا دەستیپێکرد لە ژێر دروشمی “زیرەکی دەستکردی مەودا فراوان بۆ سبەینێیەکی باشتر”. و چالاکییەکانی کۆڕبەندەکە بۆ ماوەی دوو ڕۆژ بەردەوام دەبێت و پەیمانگای تەکنەلۆژیای پێشکەوتووی سامسۆنگ میوانی ڕۆژی یەکەم بوو، و ڕۆژی دووەمیش میوانداری سەنتەری توێژینەوەی سامسۆنگ دەکات لە بارەگای توێژینەوە و پەرەپێدانی کۆمپانیاکە لە سیئۆلی پایتەختی کۆریا.
کی هیون کیونگ، سەرۆک و بەڕێوەبەری جێبەجێکاری بەشی چارەسەری ئامێرەکان لە کۆمپانیای سامسۆنگ ئەلیکترۆنیکس لە وتاری سەرەتایی خۆیدا ڕایگەیاند: "لەم دواییانەدا گرنگیدانەکە بەرەو تەکنەلۆژیای زیرەکی دەستکرد گۆڕاوە، چونکە توانای دابینکردنی چارەسەری نوێ و چارەسەرکردنی ئاستەنگە درێژخایەنەکانمان بۆ دابین دەکات . بەڵام لە هەمان کاتدا پێویستی لێکۆڵینەوەی قووڵ لە سەلامەتی و متمانەپێکردن و بەردەوامیی زیرەکی دەستکرد لە گەشەکردندایە. پێشبینی دەکەین ئەم کۆڕبەندە کە شارەزایانی پێشەنگی جیهانی بۆ خۆی ڕادەکێشێت، سەکۆیەکی نموونەیی بێت بۆ گفتوگۆکردن لەسەر ڕێگاکانی گەیشتن بە داهاتوویەکی گەش لە ڕێگەی زیرەکی دەستکرد و تەکنەلۆژیای نیمچە گەیەنەرەوە”.
 
ئاراستەی سەلامەتی توێژینەوەی زیرەکی دەستکرد؛ داهاتووی نیمچە گەیەنەرەکان کە لەسەر بنەمای مۆدێلی زمانی باوی فراوان دامەزراوە
یۆشوا بێنجیۆ، پسپۆڕی تەکنەلۆژیای فێربوونی قووڵ و مامۆستا لە زانکۆی مۆنتریاڵ، نوێترین توێژینەوەی خۆی لە پێشکەشکردنێکی سەرەکیدا بە ناونیشانی “بەرەو سیستەمێکی زانستی پارێزراو بۆ زیرەکی دەستکرد” باسکرد. توێژەرەکە ئەلگۆریتمێکی سەلامەتی فێربوونی ئامێری زیرەکی دەستکردی خستەڕوو کە دەتوانێت ڕێگری بکات لە پەرەسەندنی مۆدێلی زمانی گەورە بەو ئاڕاستەیانەی کە گەشەپێدەران مەبەستیان نییە.
جیم کیلەر، بەڕێوەبەری جێبەجێکاری کۆمپانیای Tenstorrentی دەستپێشخەر لە زیرەکی دەستکرد بۆ نیمچە گەیەنەرەکان ، RISC-V Open Instruction Set Architecture (ISA)ی پێشکەش کرد لە میانی دانیشتنەکەیدا بە ناونیشانی "خاوەندارێتی کۆمپانیاکان بۆ تەکنەلۆژیای خۆیان بۆ پەرەپێدانی پرۆسێسەر"، جەختی لەوە کردەوە کە ISA توانای نوێ دروست دەکات لە نەوەی داهاتووی زیرەکی دەستکرد کە پشت بە داهێنان دەبەستێت بۆ دیزاینکردنی بیناسازی ئامێرەکان.
یەکەم ڕۆژی چاپی ئەمساڵی کۆڕبەندەکە دوو تەوەری سەرەکی گرتەوە: مۆدێلی زمانی گەورە و گۆڕینی زیرەکی دەستکرد بۆ پیشەسازی، هەروەها ژمێرەی مەودا فراوان بۆ نموونەکانی زمانی گەورە. بابەتەکان یەک لە دوای یەک زیرەکی دەستکرد و ئەندازیاری کۆمپیوتەریان گرتەوە.
بەو پێیەی ئەم کۆڕبەندە بە ناوەندێکی توێژینەوە و پەرەپێدان دادەنرێت بۆ سامسۆنگ و وەک لانکەیەک بۆ تەکنەلۆژیا پێشکەوتووەکان، توێژەران دیدگاکانیان خستەڕوو سەبارەت بەوەی کە داهاتووی پەرەپێدان و بەرهەمهێنانی نیمچە گەیەنەر هێڵکارەکان چۆن دەگۆڕێت، بە تێکەڵکردنی زیرەکی دەستکرد لە هەموو بوارەکانی نیمچە گەیەنەرەکاندا، جگە لە گەڕان تواناکانی ژمێرەی داهاتوو لە نیمچە گەیەنەرەکاندا. پرۆسێسکردن، لەوانەش ھاوشێوەکردنی قەبارە گەورە، بەهۆی فێربوونی خۆکاری ئامێرەکەوە خێراتر دەکرێت.
 
خەڵات پێشکەش بە توێژەران و خوێندکارانی ناوازە
لە میانی کۆڕبەندەکەدا سامسۆنگ هەروەها میوانداری مەراسیمێکی کرد بۆ ڕاگەیاندنی براوەی خەڵاتی سامسۆنگ بۆ توێژەری زیرەکی دەستکرد و ئاڵانگاریەکانی سامسۆنگ بۆ زیرەکی دەستکرد/ئەندازیاری کۆمپیوتەر. ئەم خەڵاتانە ئامانجیان ڕێزلێنان لە توێژەرانی سەرکەوتوو و خوێندکارانی زانکۆ و دەرچووانە لەسەر ئاستی ناوخۆیی.
خەڵاتی سامسۆنگ بۆ باشترین توێژەری ساڵ لە بواری زیرەکی دەستکرد پێشکەش بە پێنج توێژەری تایبەتمەند کرا: پرۆفیسۆر کۆنر کولی لە پەیمانگای تەکنەلۆژیای ماساشوستس، پرۆفیسۆر جەیسۆن لی لە زانکۆی پرینستۆن، پرۆفیسۆر ئیما پیرسۆن لە زانکۆی کۆرنێل، پرۆفیسۆر شیانگ ڕێن لە زانکۆی باشووری کالیفۆرنیا، و پرۆفیسۆر ڤێرجینیا سمیس زانکۆی کارنێگی مێلۆن.
یەکێک لە براوەی خەڵاتەکان، پرۆفیسۆر لی، گرنگی بە توێژینەوەی تیۆری و کارپێکراو دەدات، لەوانە فێربوونی قووڵ، فێربوونی بەهێزکردن و باشکردن. 

کارەکانی ستایشی زۆری وەرگرتووە بەهۆی بەشداریکردنی لە پەرەپێدانی توێژینەوەی زیرەکی دەستکرد لە سەرانسەری جیهان، لەڕێگەی بڵاوکردنەوەی چەندین توێژینەوەی جیاواز لەسەر باشکردن.
لە چالاکی سامسۆنگ بۆ زیرەکی دەستکرد/ئەندازیاری کۆمپیوتەر"Samsung AI/Computer Engineering " 1,481 خوێندکار بە نوێنەرایەتی 410 تیم بەشدارییان لە چالاکیەکە کرد، و 16 تیم سەرکەوتنیان بەدەستهێنا.
کیۆندۆ پارک، خوێندکاری دکتۆرا لە خوێندنی باڵا بۆ زانستی داتا لە زانکۆی نیشتمانی سیئۆل و ئەندامی تیمی براوەی خەڵاتە گەورەکە دەڵێت: "لە چوارچێوەی جێبەجێکردنی ڕاستەوخۆی پڕۆژەی زیرەکی دەستکردمان، توانیمان بە قووڵی لە کێشە ئەگەرییەکان بکۆڵینەوە. “ئاڵانگاری تەلارسازی کۆمپیوتەر دەرفەتێکی باش بوو بۆ فراوانکردنی ئاسۆکانمان لە بواری توێژینەوەدا".
هەروەها لە کۆڕبەندەکەدا تیشک خرایە سەر کۆمەڵێک توێژینەوەی پێشەنگ، جگە لە سازدانی پێشانگا بۆ پڕۆژەکانی توێژینەوە لە بواری زیرەکی دەستکرد و ئەندازیاری کۆمپیوتەر، جگە لە ڕێکخستنی بەرنامەی پەیوەندیکردن بۆ ئامادەبووان بۆ بەشداریکردن لە سیستەمی ژیانی زیرەکی دەستکرد و ئەندازیاری کۆمپیوتەر.
 





ئەم هەواڵە 538جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad