 |
|
|||
ZNA-هەولێر محمد عبدالله ساڵح نووسەری ڕۆمانی سەربەست لەبارەی ڕۆمانەکە گوتی: ڕۆمانی سەربەست گێرانەوە و وێنە و بەسەرهاتی ئێستا و کۆنە، تیایدا باس لە گێرانەوەی زوڵم و ستەم و بوختان و کاری هەرەمەکی و تەماح و سەرلێشێوان دەکرێت، ڕۆمانەکە بەسەرهاتی کوڕێک و سێ کچە لە ماڵێک دا کە خوشک و بران و بەهۆی هەڵە مامەڵەکردنی دایک و باوک لەگەڵ منداڵەکان، توشی کارەساتی مردن و لە ناوچوونی ماڵ دەبن و لە کۆتاییدا دایک بێ کور دەبێت و باوک لە خەمی هەڵەکەیان و خۆشەویستی بۆ کورەکەی گیانی لەدەست دەدات.نووسەر گوتیشی: کە چیرۆکی سەرەکی ڕۆمانەکە لەبارەی مادەی هۆشبەرە کە بەهۆی ئەوەی من ماوەیەک وەک ئەفسەری بنکەی پۆلیس کارم کردووە،لەنزیکەوە ئاگادارم کە بەداخەوە گەنجەکانمان کە گیڕۆدەی ئەم ماددەیە بوونە، بەهۆیەوە تووشی کێشەی کۆمەڵایەتی و خێزانی دەبنەوە و مەبەستم لەنووسینی ئەم ڕۆمانە، ئەوەیە ببێتە هۆکارێک بۆ ئاگادارکردنەوەی لاوانمان لە مەترسی و کاریگەری خراپەکانی ماددە هۆشبەرەکان.سەربەستی لە چوار بەش پێکهاتوەوە؛ بەشی یەکەم بەناونیشانی داپیرە، بەشی دووەم باس لە اسعد و تابان دەکات و لەبەشی سێیەم سەربەست و هاورێیەکانی دەناسرێن و بەشی چوارەم بەسەرهات وئەنجامی سەربەست دەگێڕدرێتەوە، ڕۆمانەکە ژمارەی ١١٣٢ ساڵی ٢٠٢٣ پێسپێردراوە و لە ١٣٦ لاپەڕە پێکهاتووە و ٥٠٠ دانەی لێ چاپ کراوە.ئەم هەواڵە 472جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad