2023-11-20 [09:26 AM]

1. مەگنسیۆم بەرزی پەستانی خوێن كە هۆكارە بۆ توشبون بە جەڵتەی دڵ، پەیوەندیی بە كەمیی مەگنسیۆمەوە هەیە لە جەستەدا، هەبۆیە لە رێگەی سەوزە گەڵا تۆخەكان، سەلەمون، ئەڤۆكادۆ، مۆز، ماستی كەمچەوری و چەرەساتەوە گرنگیی بە خواردنی بدەیت.

2. پۆتاسیۆم ئەگەر پۆتاسیۆم لە جەستەدا كەمبێت، گۆڕانكاری لە لێدانی دڵ رودەدات و ماسولكە لاواز دەبێت، بۆئەوەی ئەم ماددە خۆراكییە لە جەستەدا كەمنەبێت، پەتاتە، پاقلەمەنییەكان، ئەڤۆكادۆ، تەماتەی وشككراو، شیر، سەلەمون و تونا لەبیرمەكە.

3. ڤیتامین D كەمیی ڤیتامین D لە جەستەدا هۆكارە بۆ شەكرە، پەستانی خوێن، جەڵتەی دڵ و مێشك.

4. كالسیۆم كالسیۆم هاوسەنگی پەستانی خوێن دەكات و رێگربی دەكات لە بەرزبونەوەی، ئەمەش تەندروستی دڵ دەپارێزێت، هەروەها رێگرە لە توشبون بە نەخۆشییەكانی كۆئەندامی دەمار، دەتوانیت ماست، شیر، سیریاڵی بێ شەكر و پاقلەمەنیەكان بخۆیت.

5. ڤیتامین B توێژینەوەیەك سەلماندویەتی، فۆلیك ئەسید و ڤیتامین B6 مەترسی توشبون بە نەخۆشیی سستی دڵ و جەڵتەی مێشك كەمدەكەنەوە، هەروەها ڤیتامین B6 ،B12 و B9، یارمەتیدەری تەندروستی دڵن و هۆكارن بۆ بەرهەمهێنانی خرۆكەی سوری خوێن.