2023-11-20 [05:37 AM]

کاندیدی ژمارە ٣٩ی پارتی دیموکراتی کوردستان بۆ ئەنجوومەنی پارێزگای نەینەوا رایگەیاند، کە ئێمە بە سەربەرزی دەچینە ناو خەڵک و بانگەشە بۆ خۆمان و لیستەکەمان دەکەین، خەلکیش بە دلسۆزیەوە پشتگیری خۆیان بۆ لیست و کاندیدانی پارتی دەردەبرن.

بەسیر شێخ محەمەد مزووری، کاندیدی ژمارە ٣٩ی پارتی دیموکراتی کوردستان بۆ ئەنجوومەنی پارێزگای نەینەوا، بە ئاژانسی ھەواڵی زاگرۆسی راگەیاند: خەڵکی نەینەوا پشتگیری و پالپشتی لە کاندیدانی پارتی دەکەن و ئەو ھەموو پشتگیرییەی لیستی ١٩٧ی پارتی دیموکراتی کوردستان لەلایەن جەماوەری نەینەوا و دەوروبەری بۆ خزمەتی پارتی دەگەڕێتەوە لە ناوچەکە، چونکە پارتی ھەر لە دامەزراندنیەوە تا ئێستا حزبی خەڵک بووە و تا ئەو خەڵکەش بمێنێ پێگەی پارتی لە کوردستان و عێراقیش هەر بە بەھێزی دەمێنێ.

کاندیدی ژمارە ٣٩ی پارتی دیموکراتی کوردستان بۆ ئەنجوومەنی پارێزگای نەینەوا گووتی: لیستی ١٩٧ لیستی ئەو ھاووڵاتییانەیە لە تەنگانەدا ھەڵوێستی پارتییان بینیووە، ھیچ کارەسات و کاتێکی تەنگانە نەبووە پارتی بە ھانای خەڵکی مووسڵ و نەینەواوە نەیەت، ئەمڕۆ ئێمە بە سەربەرزی دەچینە ناو خەڵک و بانگەشە بۆ خۆمان و لیستەکەمان دەکەین، خەلکیش بە دلسۆزیەوە پشتگیری خۆیان بۆ لیست و کاندیدانی پارتی دەردەبرن.

ھەروەھا بەسیر شێخ محەمەد مزووری، کاندیدی ژمارە ٣٩ی پارتی دیموکراتی کوردستان بۆ ئەنجوومەنی پارێزگای نەینەوا ئەوەشی بۆ ئاژانسی ھەواڵی زاگرۆس خستەروو، کە بەردەوام لە بانگەشەدا داوام لە خەڵک کردووە بچنە سەر سندوقەکانی دەنگدان و بەشداری بکەن، دواتر دەنگ بە لیستی ١٩٧ی پارتی بدەن بۆ ئەوەی لە قۆناغی داھاتووش، بتوانین لە ئەنجوومەنی پارێزگای نەینەوا زیاتر خزمەتی خەڵک بکەین، سەیری ھەموو عێراق و کوردستان بکەن لەکوێ پارتی زیاتر بەھێزە لەوێ زیاتر خزمەت ھەیە و ئاوەدانی و ئارامی سەقامگیرە.

رێباز یونس