 |
|
|||
ZNA - هەولێر ئەمڕۆ دووشەممە، فەرماندەیی ئۆپەراسیۆنەکانی بەغدا، دەستگیرکردنی 19 تۆمەتبار و دەستبەسەرداگرتنی چەک و کەرەستەی بێ مۆڵەت و هەروەها بڕێک ماددەی هۆشبەر و ئامێری بەکارهێنانی ماددەی هۆشبەری ڕاگەیاند. فەرماندەیی ئۆپەراسیۆنەکانی بەغدا لە ڕاگەیەندراوێکدا ڕایگەیاند، "ئەو مەفرەزە هاوبەشانەی لە هەردوو دیوی کەرخ و رەسافە توانیویانە، 19 تۆمەتبار بەپێی ماددە یاساییە جیاوازەکان دەستگیر بکەن، لەوانە ئەوانەی تۆمەتبارن بە هەڵگرتنی چەک و کەرەستەی بێ مۆڵەت، و هەندێکی دیکەیان بە بازرگانیکردن و پەرەپێدانی ماددە هۆشبەرەکان". ئاماژەی بەوەشکرد، "هەندێکیان دەستیان بەسەر بڕێک ماددەی هۆشبەری بلوری و ئامێری بەکارهێنانی ماددە هۆشبەرەکان و جۆرەها حەبی ماددەی هۆشبەر، جگە لە دەستبەسەرداگرتنی نۆ دەمانچە و یەک تفەنگ و بڕێک کەرەستە و گۆڤاری بەتاڵ و دەرمانی ماوە بەسەرچوو" گوتیشی: کەسانی دەستگیرکراو و کەرەستە دەستبەسەرداگیراوەکان ڕەوانەی لایەنە پەیوەندیدارەکان کران بۆ گرتنەبەری ڕێوشوێنی یاسایی بەرامبەریان. ئەم هەواڵە 199جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad