 |
|
|||
ZNA-هەولێر
بەردەوامیی دابەزینی بەهای دۆلاری ئەمریکی لەبەرامبەر دراوەکانی دیکە، بووە هۆکار بۆ بەرزبوونەوەی بەرچاوی نرخی زێڕ لە دوای نیوەڕۆی رۆژی سێشەممەوە تاوەکو ئێستا.
نرخی هەر ئۆنسەیەک زێڕ رۆژی سێشەممە (28-11-2023) گەیشتە 2040 دۆلار، ئەمڕۆش درێژەی دا بە بەرزبوونەوەکانی و هەر ئۆنسەیەک بە 2044 دۆلار مامەڵەی پێوەکرا، بەمەش نرخی زێڕ ئێستا بەرزبووەتەوە بۆ بەرزترین ئاستی لە ماوەی حەوت مانگی رابردوودا.
بەرزبوونەوەی ئەم دواییەی نرخی زێڕ دوای ئەوە روویدا، کە چەندین بەڕێوەبەری بانکی ناوەندیی ئەمریکا ئاماژەیان بەوە داوە؛ بە ئەگەری زۆرەوە سیاسەتی نەختی بانکی ناوەندیی ئەمریکا لە ئاستەکانی ئێستا جێگیردەبن و ئەگەری کەمە، لە مانگی داهاتوودا بانکەکە سوودی بانکی بەرزبکاتەوە.
سەرەڕای بەرزبوونەوەی نرخی زێڕ بۆ بەرزترین ئاستی حەوت مانگی رابردوو، شرۆڤەکاران پێشبینی دەکەن نرخی زێڕ هێشتا زیاتر بەرزببێتەوە. ئەم هەواڵە 226جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad