 |
|
|||
ZNA - هەولێر لە یاریێکی تری ئەمشەوی خولی نایابی ئینگلتەرا، یانەی ئێڤەرتۆن میوانداری یانەی چێڵسی کرد.
لە ئەنجامدا یانەی ئێڤەرتۆن توانی بە دوو گۆڵی بێبەرامبەر شکست بە یانەی شین پۆشەکانی لەندەن بهێنێت.
تایمی یەکەم دوای چەندین هەوڵی هەردوو یانە بۆ سەر گۆڵی یەکتری، هیچکامیان سەرکەوتوونەبوون و ئەو تایمە بەو شێوەیە کۆتاییهات.
لە تایمی دووەم و لە خولەکی 54دا ئێڤەرتۆن گۆڵێکی لەڕێگەی یاریزان ئەبدوڵایی دوکۆکورێ تۆمارکرد، دوای چەندین گۆڕانکاری و هەوڵی تر، لویس دۆبین لە خولەکی دووی زیادکراوی تایمی دووەم گۆڵی دڵنیایی یانەی ئێڤەرتۆنی تۆمارکرد.
بەم سەرکەوتنە، ئێڤەرتۆن بووە خاوەن 13 خاڵ و لە پلەی 17ی ڕیزبەندی دێت، چێڵسیش 19 خاڵی هەیە و لە پلەی دوانزدە دێت. ئەم هەواڵە 253جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad