|
نوسینی:رێبوار حەمەلاو شوانى بۆ هەموو لایەك روون بۆتەوە ، بێ كەركووكی چەند ئازارێكی سەخت وقورسە بە جەستەی كوردستانەوە ، بەتایبەت بەم چەند ساڵەی دوایی بە زۆر خۆسەپاندن و داگیركردنی ئەو شارە لە لایەن میلیشیا و شۆڤێنی و فاشیزمەكانەوە و ئینجا ناچاركردنی كورد و ستەمكاری و ئینجا شەهیدكردن و برینداركردن و راگواستنی زۆرە مڵێ لە سەر ماڵ و موڵكیان لەو ناوچەكە كوردستانیان و نەبوونی خزمەتگوزاری و سووكایەتیی بە كەركووكییە ڕەسەنەكان بۆ هەمووان سەلماند كە تەنها كوردایەتی و خۆشەویستی بۆ كەركووك گرنگە .
ئاشكرایە، دەبێ هەموو كوردێكیش ئەو راستییە لایی روون بێت كە بارودۆخی كەركووك لە هەموو روویەكەوە جیاوازی لەگەڵ ناوچەكانی تری كوردستانەوە هەیە ، چ لە رووی جوگرافیی و سیاسی و سەربازی و ئابووری و هەستیاری ، هەر ئەوەشە بەدرێژایی زیاتر لە یەك سەدەی رابردوو ، قوربانی و خوێنی زۆر لە پێناو پارێزگاریكردن لە شوناس و مۆڕكی كوردستانیبوونی ئەو شارە لە مێژییەی كورد و پێكەوەژیانی ئاشتیانە بەخشراوە ، بۆیە، كەركووك بەو هەموو ستەمكارییەی كە بەرامبەر كراوە ، پێوستە ببێتە وانەیەكی باش و ئامانجی سەڕەكیی سەركەوتنی كەركووك و كەركووكییەكان بێت كە پارتی ئاڵاهەڵگرە لە پێناو گەڕاندنەوەی كوردایەتی وشكۆ و ئیرادە بۆ ئەو شارە و ناوچەكە كوردستانییەكانی دەرەوەی ئیدارەی هەرێم .
بۆیە، سەركەوتنی كورد و بوونی پارێزگارێكی كورد لە شارەكە ، ئەوا دڵنییایی و سەقامگیری و مافەكانی كورد و كەركووكییە ڕەسەنەكان بە هەموو پێكهاتەكانییەوە مسۆگەر دەكات و بە پێچەوانەكەشیەوە بوونی پارێزگارێكی فاشیزمی و میلیشیایی مەترسی گەورە دەخاتە سەر داهاتوویی كەركووك و كەركووكییەكان و شوناسی كوردستانیبوونی شارەكە و بە بەڵگەش سەلمێنراوە.
گرنگە دڵنییایی تەواو بەهەموو پێكهاتەكانی ناو كەركووك بهێنرێت هەر بە توركمان و مەسیحی و عەرەب تا دەنگەكانیان بۆ شۆڤێنیەكان نەچێت ، گرنگە دوای سەركەوتنی كورد ولە هەڵبژاردنی پارێزگاكان كوردەكان چیتر ناوچەكەكانیان جێنەهێڵن ئەوەش بۆ كوردانی خانەقین و نەینەوا و شەنگال و ناوچەكە كوردستانییەكانی دەرەوەی ئیدارەی هەرێمی كوردستانیش دروستە .هەروەها گرنگە هەموو كوردێك و كەركووكییەكی ڕەسەن لە رۆژی 18ی مانگ لە سەر سەندووقەكانی دەنگدان ئامادە بێت و ئەرك و بەرپرسیاریەتی مێژوویی و نیشتیمانی خۆی بەجێ بگەێنێت و بە پێچەوانەوە نەیارانی كەركووك و كەركووكییەكان و دژە كوردەكان خۆیان دەكەن خاوەن ، هەروەها كاتێك كورد سەركەوێت و ببێتە خاوەن پارێزگا ، ئەوا مەترسی داگیركاری و بەعەرەبكردن و راگواستن نامێنێت چیتر هیچ كەس ولایەنێك بۆ نابێت هێرشی سەر زەووییە كشتووكاڵییەكان كورد بدات ، مافەرەواكانی كورد هەر دامەزراندن و زمانی كوردی و بوارەكانی تر ناكەونە مەترسییەوە ، بۆیە، دەبێ هەموو كوردێك چاوی لەسەر كەركووك و ناوچەكوردستانییەكانی دەرەوەی ئیدارەیی هەرێم بێ و، هەموو دەنگدەرێكی كوردیش لە خانەقینەوە تا مووسڵ بچن دەنگ بدەن.
نابێت كورد ، هەموو ئەو ستەمكارییانەی كەلەماوەی شەش ساڵی رابردوو ، بە سەر هەموو پێكهاتەكانی ناوچەكە كوردستانییەكانی دەرەوەی ئیدارەی هەرێم و بەتایبەت كەركووك و خانەقین و دەشتی نەینەوا هات هەر لە سووكایەتی پێكردن و تیرۆر و ستەمكاری لە بیری بكات و ئێستا كاتی ئەوەیە كە كوردو كوردستانیانی ناوچە دابڕاوەكان ئەوەی لەسەر شانیانە بە دەنگەكانیان جێبەجێی بكەن. تا جارێكی تر هێرش و پەڵاماردانی سوپا و میلیشایی حەشد و پەڵاماردانیان بۆ سەر كاكەییەكان و جوتیاران و خاوەن موڵكەكان دووبارە نەبێتەوە ، دەنگدان بە پارتی واتا كورد دڵنییاییە ، چونكە كەركووك بۆ ئەم رێباز و قوتابخانەیە ، قوڵایی ستراتیژی كوردوكوردستانە .
ئەم هەواڵە 256جار خوێندراوەتەوە |