 |
|
|||
ZNA - هەولێر کۆریای باکوور ئەمڕۆ سێشەممە ڕایگەیاند، ڕۆژی پێشوو بە ئامادەبوونی کیم جۆنگ ئون، سەرۆکی کۆریای باکوور، مووشەکێکی بالیستیکی هاوسۆنگ-18ـی تاقیکردۆتەوە. ئاژانسی هەواڵی ناوەندی کۆریای باکور بڵاویکردەوە، مووشەکەکە وەک ڕێکارێکی بەهێزی هۆشداری لەژێر ڕۆشنایی ئەو دۆخە مەترسیدارەدا هاویشتووە، چونکە هەڕەشەی سەربازیی هێزە دوژمنکارەکان لەدژی کۆریای باکور تادێت زیاتر ئاشکرا و مەترسیدار بووە. بەپێی ئاژانسەکە، مووشەکەکە بە مەودای 1002.3 کیلۆمەتر بۆ ماوەی 4415 چرکە (73 خولەک و 35 چرکە) لە بەرزترین بەرزی 6518.2 کیلۆمەتر فڕیوە، پێش ئەوەی بە وردی بکەوێتە ناو ئاو و ئامانجەکەی. ڕاپۆرتەکان باسیان لەوەکرد، کیم ڕەزامەندی دەربڕییوە بۆ هەڵدانی موشەکەکە و گوتی: ئەوە نیشاندانی پراکتیکییە بۆ پێگەی ڕاستەقینە و متمانەپێکراوی توانا زەبەلاحەکانی لێدان و خۆپاراستنێکی ڕەها لە شەڕی ئەتۆمی کە لەلایەن هێزە چەکدارەکانی کۆریای باکوورەوە هەیە. کیم ئاماژەی بەوەشکرد، دەستپێکردنی ئەو کارە دەرفەتێک بووە بۆ ئەوەی بە ڕوونی ئەو کارە دەربخات کە کۆریای باکوور ئامادەکاری بۆ کردووە و ئەو هەڵبژاردنەی کە دەیکات کاتێک واشنتن بڕیارێکی هەڵە لە دژی دەدات، جەختیشی لەوە کردەوە کە مەشقەکان جارێکی دیکە بە ڕوونی ئیرادەی کۆریای باکووریان نیشان دا بۆ گرتنەبەری بەهێزترین ڕێوشوێنی بەرپەرچدانەوە و هێزی سەرسەختی خۆی. ئاژانسەکە ئاماژەی بەوەشکردووە، کیم جەختی لەسەر پێویستی باکوور کردووەتەوە کە بە کردەوەی هێرشبەری زیاتر ڕووبەڕووی هەڕەشە سەربازییەکانی دوژمنان ببێتەوە بە گرتنەبەری شێوازێکی ئاڵۆزتر و هەڕەشەئامێزتر کاتێک دوژمنان بەردەوامن لە هەڵبژاردنی هەڵە. ئەم هەواڵە 250جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad