English | عربی | Kurdî دواهەواڵ
ڕاستەوخۆ  
 
چوار کەس بۆ پۆستی سەرۆکایەتی پەرلەمان كاندید كراون
2023-12-25 [08:28 AM]

ZNA - هه‌ولێر


 

نوێنەری چوارچێوەی هەماهەنگی شیعە، محەممەد سەیهود، رایگەیاند، یەکلاکردنەوەی پۆستی سەرۆکی پەرلەمانی عێراق پێویستی بە کۆدەنگی پێکهاتەکان هەیە لەسەر ئەو چوار ناوەی کە بۆ سەرۆکایەتی ئەنجومەن کاندید کراون.

ئەمڕۆ دووشەممە، نوێنەری چوارچێوەی هەماهەنگی شیعە، محەممەد سەیهود بە میدیا عێراقییەکانی راگەیاند، دەستەی سەرۆکایەتی پەرلەمان لە دانیشتنەکانی داهاتووی دوای کۆتایی هاتنی پشووی خولی یاسادانان، سەرۆکی نوێی ئەنجومەنی نوێنەران هەڵدەبژێردرێت.

ئاماژەی بەوەشکرد، "ئەنجومەنی نوێنەران بڕیاری دانانی سەرۆکی پەرلەمان لەگەڵ دەستپێکردنی خولی نوێی یاسادانان لە پێشینەی کارەکانی داناوە"، روونیشیکردەوە، "چوار کەس پێشنیاز کراون بۆ سەرۆکایەتی ئەنجومەن، بەڵام هیچ رێککەوتنێکی کورد، سوننە و شیعەیان بەدەست نەهێناوە".

سەیهود راشیگەیاند، "پێکهاتەی سوننە ناوی (مەحمود مەشهەدانی، سالم عیساوی، شەعلان کریم، و عەبدولکەریم عەبتان)ـی خستووەتەڕوو، دەشڵێت: هەڵبژاردنی یەکێک لەوانە بەیەک دانیشتنی پەرلەمان کۆتایی نایێت، بەڵکو پێویستی بەزیاتر لەدانیشتنێک هەیە تاوەکو زۆرینەی دەنگەکان بەدەست دەهێنن.

رۆژی سێشەممە (14ـی تشرینی دووەمی 2023) دادگای فیدراڵی بڕیاری کۆتاییهێنان بە ئەندامێتی هەر یەکە لە محەممەد حەلبووسی و لەیس دلێمی لە پەرلەمانی عێراق هێنا و بەمەش راستەخۆ حەلبووسی لە پۆستی سەرۆکی پەرلەمانی عێراق دوورخرایه‌وه‌، ئەمەش بەهۆی ئەو کێشانەی کە لەماوەکانی رابردوو لەگەڵ ئەو پەرلەمانتارە هەیبووە.

هەروەها تاوەکو ئێستا دوای چەندین دانیشتنی پەرلەمان نەتوانراوە سەرۆکێکی نوێ بۆ ئەنجومەنی نوێنەرانی عێراق هەڵبژێردرێت، تاوەکو جێگای حەلبووسی پڕ بکاتەوە.

 

k24





ئەم هەواڵە 583جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad