 |
|
|||
ZNA-هەولێر ڕاوێژکاری سەرۆک وەزیرانی فیدڕاڵی بۆ کاروباری دارایی راگه‌یاند، لە بری دۆلار، ئێستا لە نێوان تورکیا و عێراق دینار و لێرە بەکار دەهێندرێ.مەزهەر محه‌مه‌د ساڵح، ڕاوێژکاری سەرۆک وەزیرانی عێراقی فیدڕاڵی بۆ کاروباری دارایی راگه‌یاند: " تورکیا یەکێکە لەو سێ هاوبەشە بازرگانییە سەرەکییەی کە عێراق لە بازاڕەکانیەوە کاڵا و خزمەتگوزاری هاوردە دەکات، هەروەها قەبارەی هاوردەکردن و ڕێژه‌ی ساڵانە دەگاتە 14 ملیار دۆلار، لە کاتێکدا عێراق ئێستا پلەیه‌كی پێشکەوتووی له ئاست هەناردەكانی توركیا له‌سه‌ر ئاستی جیهان ده‌گرێت، له دوای ئەمریکا و ئەڵمانیا و ئیتاڵیاوه دێت."ئاماژەی بەوەش دا: "بەداخەوە کە ڕێکخستنی پارەدارکردنی بازرگانیی دەرەکی و یەکلاکردنەوەی نێوان هەردوو وڵات زیاتر لە ڕێگەی بازاڕەکانی ئاڵوگۆڕی هاوتەریبەوە ئەنجام دراوە، ئەوەش وای کردووە دۆلار گران بێت، ئەم بابەتەش کاردانەوەی نەرێنی هەبووە لەسەر دراو و بازاڕ."مەزهەر محه‌مه‌د ساڵح،، ئاشکرای کرد بۆ کەمکردنەوەی پشتبەستن بە دۆلار، هەنگاوێک لە نێوان تورکیا و عێراق دەستی پێکردووە، گوتیشی:" هەنگاوی یەکەم لە ڕێکخستنی پەیوەندیی نێوان بازاڕە ئاساییەکانی هەردوو وڵاتی دراوسێ ده‌ستی پێكردووه لە ڕێگەی خواستی هەردوولا بۆ باشترکردنی ئامرازەکانی شەفافیەتی بازرگانی و ئابووری، بە شێوەیەک کە خزمەت بە دەرفەتەکانی سەقامگیری بکات."ڕوونیشی کردەوە: "سەرەتای هەنگاوی یەکەمی ڕێکخستنی پەیوەندیی بازرگانیی نێوان عێراق و تورکیا به‌كارهێنانی دراوەکانی هەردوو وڵات (دینار و لیرە)ـیه بە میکانزمی تۆکمە ده‌ستی پێکردەوە و کەمتر دۆلار بەکار دێت."شوان بهرزنجیئەم هەواڵە 577جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad