 |
|
|||
ZNA - هەولێر لە یاریی گەڕی 20ی خولی نایابی ئینگلتەرا، یانەی چێڵسی لەدەرەوەی یاریگای خۆی بووە میوانی لوتن تاون.
لە ئەنجامدا یانەی بلۆز توانی یارییەکە بە سێ گۆڵ بەرامبەر بە دوو گۆڵ لوتن تاون بباتەوە.
لە تایمی یەکەمدا، چێڵسی بەهێز دەرکەوت و توانیان دوو گۆڵ لە خولەکەکانی 12 و 37 لە رێگەی هەریەکە لە یاریزانان پاڵمەر و مادویکەوە تۆمار بکەن.
لە تایمی دووەمدا، شین پۆشەکانی لەندەن بەردەوامبوون لە ئاستەکەی و لە خولەکی 70دا جارێکی تر پاڵمەر گۆڵی دووەمی خۆی و سێـەمی تۆمارکرد، لوتونی خاوەن یاریگا هەوڵەکانیان چڕکردەوە و توانیان دوو گۆڵ لە خولەکەکانی 80 و 87 دوو گۆڵی تۆمارکرد، بەڵام یارییەکە هەر بەو ئەنجامە کۆتاییهات.
بەم سەرکەوتنە، یانەی چێڵسی بە کۆکردنەوەی 28 خاڵ لە پلەی 10ی ڕیزبەندی خولەکە دێت و لوتن تاونیش بە 15 خاڵ لە پلەی 18 دایە. ئەم هەواڵە 217جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad