 |
|
|||
ZNA - هەولێر ڕۆژی سێشەممە، مانگی سووری عێراقی ناردنی 25 تۆن خۆراک و پێداویستی فریاگوزاری بۆ گەلی فەڵەستین لە ڕێگەی گەشتە ئاسمانییەکانی هێزی ئاسمانییەوە بۆ فڕۆکەخانەی ئەلعەریش لە میسر ڕاگەیاند. مانگی سووری عێراقی لە بەیاننامەیەکدا ڕایگەیاندووە، "تیمەکانی مانگی سووری عێراقی 25 تۆن خۆراک و پێداویستی فریاگوزارییان ناردووە بۆ فڕۆکەخانەی ئەلعەریش لە میسر وەک ئامادەکارییەک بۆ گەیاندنیان بۆ مانگی سووری فەڵەستین". لە ڕاگەیەندراوەکەدا ئاماژە بەوەشکراوە، "ئەمە وەجبەی دەیەمی خۆراک و کەرەستەی فریاگوزارییە کە ڕەوانەی مانگی سووری میسر کراون بۆ ئەوەی لە ڕێگەی دەروازەی ڕەفەحەوە بگەیەنرێنە مانگی سووری فەڵەستین". ناردنی هاوکارییەکان تا ئێستاش لە لایەن حکومەتی عێراقەوە بەردەوامە لە ڕێگەی ئاسمانی و دەریایی کە لەگەڵ حکومەتی میسر لەسەری ڕێککەوتوون و لە ڕێگەی هەماهەنگی مانگی سووری عێراق لەگەڵ هاوتا میسری و فەڵەستینیەکانی. ئەم هەواڵە 187جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad