 |
|
|||
ZNA - هەولێر دەسەڵاتدارانی ژاپۆن ئەمڕۆ چوارشەممە ڕایانگەیاند، ژمارەی ئەوانەی بەهۆی بوومەلەرزە وێرانکەرەکەی ڕۆژی دووشەممەی رابردوو گیانیان لەدەستدا بۆ 62 کەس بەرزبووەتەوە. بەرپرسێکی پارێزگای ئیشیکاوا بە ئاژانسی فرانس پرێسی ڕاگەیاندووە، "ژمارەی ئەوانەی گیانیان لەدەستداوە گەیشتووەتە 62 کەس، هەروەها زیاتر لە 300 کەسیش برینداربوون، کە برینی 20 کەسیان سەختە". ئامارە فەرمییەکانی پێشوو باس لەوە دەکەن کە لەم بوومەلەرزەیەدا لانیکەم 50 کەس گیانیان لەدەستداوە کە گوڕەکەی 7.5 بووە و زیانێکی زۆری بەدوایخۆیدا هێناوە. دەزگای کەشناسی ژاپۆن لە سەرەتای ڕوودانی بوومەلەرزەکەوە چاودێری نزیکەی 200 بوومەلەرزەی کردووە، هەروەها هۆشداریشی داوە و پیشبینی دەکات لە ئەگەری ڕوودانی بوومەلەرزەی بەهێزتر لە چەند ڕۆژی داهاتوودا. ئەم هەواڵە 229جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad