English | عربی | Kurdî دواهەواڵ
ڕاستەوخۆ  
 
لەسەر خستنەخوارەوەی فڕۆکە ئۆکرانیاکە، كەنەدا و هاوبەشەکانی، سكاڵایان له‌ سه‌ر  ئێران تۆمار كرد
2024-01-09 [09:06 AM]

ZNA - هه‌ولێر


 

ڕۆژی دووشەممە کەنەدا و بەڕیتانیا و سوید و ئۆکرانیا ڕایانگەیاند بە فەڕمی سکاڵایەکییان لە ئەنجومەنی فڕۆکەوانی نەتەوە یەکگرتووەکان تۆمارکردووە لە هەوڵێکییاندا بۆ لێپێچینەوە لە ئێران لەسەر خستنەخوارەوەی فڕۆکەیەکی سەرنشین لە مانگی یەکی ساڵی 2020 دا کە بووە هۆی گیان لە دەستدانی 176 کەس.

زۆربەی ئەوانەی گیانییان لە دەستدا هاووڵاتی ئەو چوار وڵاتە بوون، چوار وڵاتەکەش گروپێکی هەماهەنگییان پێکهێناوە کە هەوڵ دەدات ئێران بە بەرپرس دابنێت لە خستنەخوارەوەی فڕۆکەکە.

چوار وڵاتەکە لە بەیاننامەیەکی هاوبەشدا وتییان " ئەمڕۆ بە هاوبەشی ڕێکارێکی یەکلاکردنەوەی ناکۆکییەکمان دەستپێکردووە لەبەردەم ڕێکخراوی فڕۆکەوانی مەدەنی نێودەوڵەتیدا دژی کۆماری ئیسلامی ئێران لەسەر بەکارهێنانی چەک دژی فڕۆکەیەکی مەدەنی لە گەشتدا."

مانگی شەشی ساڵی ڕابردوو چوار وڵاتەکە وتییان دۆسییەکە دەبەنە بەردەم دادگای دادی نێودەوڵەتی.

ئێران دەڵێت خستنەخوارەوەی فڕۆکەی بۆینگ 737 لەلایەن سوپای پاسدارانی ئێرانەوە ڕووداو بووە و وتی هۆکارەکەی ڕادارێک بووە کە بە هەڵە ڕێکخراوە و هەڵەی کارمەندێکی هێزی بەرگری ئاسمانی بووە، لە کاتێکدا کە گرژییەکانی نێوان تاران و واشنتن لە ئاستێکی بەرزدا بوو.

 

voa





ئەم هەواڵە 241جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad