English | عربی | Kurdî دواهەواڵ
ڕاستەوخۆ  
 
هێرشه‌كانی ئه‌مه‌ریكا بۆ سه‌ر یه‌مه‌ن به‌رده‌وامه‌
2024-01-13 [11:11 AM]

ZNA - هه‌ولێر


 

دوای ئه‌وه‌ی دوێنێ هه‌ینی، فڕۆکە جەنگییەکانی ئەمریکا و بەریتانیا، هێرشی ئاسمانییان کردە سەر ژماره‌یه‌ك خاڵێک لە چەند شارێکی یەمەن، فەرماندەیی ناوەندیی هێزەکانی ئەمریکا دەڵێت، ئه‌مڕۆ هێرشێکی دیکەیان کردووەتە سەر بنکەیەکی حووسییەکان، وتیشی، پەیوەندیی بە هێرشەکانی دوێنێ هەبووە.

ئه‌مڕۆ شەممە، فەرماندەیی ناوەندیی هێزەکانی ئەمریکا – سێنتکۆم رایگەیاند، "هێزەکانی ئەمریکا هێرشێکیان کردە سەر پێگەیەکی راداری حووسییەکان لە یەمەن." هێرشەکەی ئەمریکا کاژێر 3:45ـی بەیانی (بەکاتی سەنعا و هەولێر) بووە.

سێنتکۆم ئاماژە بەوەش دەکات، هێرشەکە هەنگاوێک بووە بۆ ئامانجێکی سەربازیی دیاریکراو کە پەیوەندیی بە هێرشەکانی دوێنێ هەبووە بۆ کەمکردنەوەی تواناکانی حووسییەکان لە هێرشکردن سەر کەشتییەکانی دەریای سوور. لە هێرشەکە کەشتیی یو ئێس ئێس کارنی و مووشەکی تۆماهۆک بەکارهاتوون.

دوێنێ هه‌ینی سوپاى ئەمریکا و بەریتانیا بە هاوکاریی هەریەکە لە ئوسترالیا، کەنەدا، هۆڵەندا و بەحرێن چەند پێگەیەکى حووسییەکانیان لە چوار شارى یەمەن بۆردوومان کرد، وەک کاردانەوەیەک بۆ ئەو هێرشانەى کە حوسییەکان دەیانکردە سەر کەشتیەکان لە نێو دەریاى سوور، به‌هۆی هێرشه‌كان لانیکەم پێنج چەکداری حووسییەکان کوژران.

نۆ وڵاتیش دوای هێرشەکە رایانگەیاند، "ئامانجمان گەڕاندنەوەی سەقامگیرییە بۆ دەریای سوور."

فەرماندەیی ناوەندیی هێزەکانی ئەمریکا دەڵێت، هێرشێکی دیکەیان کردووەتە سەر بنکەیەکی حووسییەکان لە یەمەن.

 





ئەم هەواڵە 358جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad