 |
|
|||
ZNA - هەولێر لە یارییێکی تری هەفتەی 21ی خولی نایابی ئینگلتەرا، یانەی نیۆکاسل لە یاریگای خۆیدا ڕووبەڕووی مانچستەر سیتی بویەوە.
لە یاریێکی دراماتیکی و بەهێزدا مانچستەر سیتی توانی یارییەکە بە سێ گۆڵ بەرامبەر بە دوو گۆڵ یارییەکە بباتەوە.
لە تایمی یەکەمدا یانەی مانسیتی میوان دەستپێشخەری کرد لە تۆمارکردنی گۆڵ و لە خولەکی 26دا بێرناردو سیلڤا گۆڵی یەکەمی بۆ یانەکەی تۆمارکرد، دوای ئەوە نیۆکاسل توانی دوو گۆڵی لەسەر یەکی لە خولەکەکانی 35 و 37 لەڕێگەی یاریزانان ئەلیکساندەر ئیساک و ئەنتۆنی جوردون تۆماربکات و ئەو تایمە بەو ئەنجامە کۆتاییهات.
لە تایمی دووەمدا، مانچستەر سیتی گەڕایەوە نێو کەشی یارییەکە و کۆنتڕۆڵی یاریەکەی کرد، دوای گەڕانەوە و هاتنە نێو یاریگادا یاریزان کیڤین دی بڕۆین گۆڵی بەرامبەری بۆ سیتیزن تۆمارکردەوە، لە خولەکی یەکەمی زیادکراودا سیتی توانی گۆڵی سێیەم و بردنەوە لە ڕێگەی ئۆسکار بوب تۆماربکات.
بەم سەرکەوتنە، یانەی مانچستەر سیتی بەکۆکردنەوەی 43 خاڵ لەپلەی دووەمی ڕیزبەندی دێت، نیۆکاسلیش 29 خاڵی کۆکردۆتەوە و لە پلەی دەیەمدایە. ئەم هەواڵە 241جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad