English | عربی | Kurdî دواهەواڵ
ڕاستەوخۆ  
 
حەسەکە ... به‌مووشه‌ك هێرش دەکرێتە سەر گرتووخانەیەکی زیندانیانی داعش
2024-01-16 [04:43 AM]

ZNA - هه‌ولێر


 

بەرەبەیانی ئه‌مڕۆ سێشەممە، هێرشێکی مووشەکی کراوەتە سەر گرتووخانەی سینا لە حەسەکە، کە لە ساڵی 2019 هەزاران لە ئەندامانی داعشی تێدا راگیراوە، ڕوانگەی سوریا بۆ مافەکانی مرۆڤ ئاشكرای كرد، گومان دەکرێت میلیشیاکانی سەر بە ئێران هێرشەکەیان ئەنجام دابێت.

ناوەندی پەیوەندییەکانی هێزەکانی سوریای دیموکرات (هەسەدە) هێرشەکەی پشتڕاستکردەوە و ڕایگەیاند کە بە مووشەک هێرش کراوەتە سەر زیندانەکە.

بەپێی ئەو زانیارییانەی دەست دەنگی ئەمەریکا کەوتوون، مووشەکەکە بەر بەشێک لە زیندانەکە کەوتووە.

سیامەند عەلی وتەبێژی یەکینەکانی پاراستنی گەل (یەپەگە) بە دەنگی ئەمەریکا ڕاگەیاند "لەم هێرشە مووشەکییەدا ژمارەیەک لە گەنجانی ئەشبەڵ ئەلخیلەفە، یان گەنجانی خیلافە بە سوکی برینداربوون".

بەگوێرەی زانیارییەکانی هەسەدە دوای هێرشەکە ژمارەیەک لە دیلەکانی داعش هەوڵی هەڵاتنیان داوە،. بەڵام هێزەکانی هەسەدە و هێزەکانی ئاسایشی ناوخۆ ڕێگریان لەو هەوڵە کرد.

سیامەند عەلی جەختی لەوە کردەوە کە "سەربازەکانمان لە دەوروبەری زیندانەکە ڕێگرییان لە هەڵاتنی ئەو داعشە زیندانیکراوانە کردووە."

وتەبێژەکەی یەپەگە گوتیشی " تا ئێستا سەرچاوە و ناسنامەی هێرشبەرەکان دیار نین و لێکۆڵینەوەکان بەردەوامن."

بەڵام ڕوانگەی سوریا بۆ مافەکانی مرۆڤ بە دەنگی ئەمەریکای ڕاگەیاند، هێرشەکە لە ڕۆژهەڵاتی حەسەکەوە کراوە و گومان دەکرێت میلیشیاکانی سەر بە ئێران هێرشەکەیان ئەنجام دابێت.

ڕامی عەبدولڕەحمان بەڕێوەبەری ڕوانگەکە لە بەیاننامەیەکی تایبەتدا بۆ دەنگی ئەمەریکا جەختی لەوە کردەوە کە ئامانجی هێرشەکە بنکەی هێزەکانی هاوپەیمانان بووە لە دەوروبەری زیندانەکە، بەڵام موشەکەکە بەر زیندانەکە کەوتووە.

عەبدلڕەحمان گوتیشی "بەپێی زانیارییەکان، مووشەکەکە لە ڕۆژهەڵاتی حەسەکەوە ئاراستە کراوە و هەموو داتاکان ئاماژە بەوە دەکەن کە هێرشەکە لەلایەن میلیشیاکانی سەر ئێرانەوە ئەنجامدراوە".

 

voa





ئەم هەواڵە 319جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad