|
نوسینی:رێبوار حەمەلاو شوانی ئاشکرایە ، ساڵانە کۆڕبەندنى ستراتیژى ئابوورى جیهان کە تەنها پرسى ئابوورى لە خۆى ناگرێت بەڵکو چەندین پرسى گرنگى وەک ئاسایش و سیاسى و ئەمنى و کۆمەڵایەتى و کەشوهەواش بەتایبەتى تەورى گرنگى ئەو کۆڕبەندە چوار رۆژەیە کە بۆ ئەمساڵ زیاتر لە 100 سەرۆک وەزیر و وەزیرانى دەرەوە و پسپۆر و ئاکادێمى بوارە جیاوازەکان بەشداریان تێیدا کردووە ، لە بارودؤخێکى هەستیارى وەک ئێستادا کە ناوچەکە و جیهان بە سەریدا گوزر دەکات بە تایبەت جەنگى رۆژهەڵاتى ناوەڕاست و ئۆکراینا و پرسى ئابوورى و وزە و کەشوهەوا بە سەڕەکیی ترین ئەو پرس و تەوەرانە هەژمار دەکرێت کە لە دیدار و گفتوگۆ و پانێڵەکان ئەو کۆڕبەندە گرنگە کە لە بۆ ساڵى 2024 بەڕێوەدەچێت و هەرێمى کوردستانیش بەڕێگەى بانگهێشتنى بەفەرمى مەسروور بارزانى سەرۆکوەزیرانى کوردستان چەندین دیدارى وکۆبوونەوەى گرنگ ساز دەدات بەتایبەتى کە بوۆ ئەمساڵ گرنگى بەهاوکارى وداهێنان وخۆڕاگرى و متمانە لە نێو ناوچەیەکى پڕ کێشە و ئاڵۆزى دەدرێت کە هەرێمى کوردستانیش بەدەر نەبووە لە کاریگەر هێرش و پەڵاماردانەکان بەهۆى رووداو و ململانێیەکان و جەمسەربەندییەکانى ناوچەیی.
ئەمڕۆ بەتایبەتى تەوەرى سەڕەکى ئەم کۆڕبەندە هەڵوەستەکردن و ڕژدبوونە لە سەر ئاسایشى جیهانى و گەشەسەندنى ئابوورى و ئینجا پرسى وەزە ، تا لەڕێگەى هەموو ئەو دیدار وگفتوگۆیانە کار بۆ دۆزینەوەى چارەسەرى و پرسە هەستیارو چارەنووسسازەکان بکرێت و ئاستەنگەکان تێیدا هەڵبگیرێن ،هەروەها تەوەرێکى دیکەش ئەوەیە کە باس لە چەندین پرسى گرنگى تروەک زیرەکی دەستکرد و تەکنەلۆژیا دەکرێت وەک بزوێنەری گەشەسەندنی کۆمەڵایەتی و ئابووری، هەروەها کەشوهەوا و سروشت و وزە و بەرەوپێشەوەبردنى کەرتى تەندروستى وخۆشگوزەرانى کۆمەڵگە لە پێناو چارەسەرکردنى کێشە هەرێمایەتى و جیهانیەکانى تێیدا دەکرێت .
هەروەها چوارچێوەی ئابووری و ڕەخساندنی هەلی کار لە بەرنامەی کۆربەندەکەدایە، لەگەڵ گفتوگۆکردن لەسەر دروستکردنی چوارچێوەیەکی نوێی ئابووری بۆ بەرەوپێشبردنی گەشەکردن و هەلی کار. هەروەها لە کۆربەندەکەدایە باس لە قەیرانە ئەمنییە بەردەوامەکان دەکرێت، وەک ئەوانەی لە ڕۆژهەڵاتی ناوەڕاستدان و بەدواداچوون بۆ ڕێگاکانی زیادکردنی هاریکاری و سەقامگیری دەکرێت. تەندروستی و خۆشگوزەرانی خاڵێکی گرنگی دیکەیە، لەگەڵ گرنگیدانێکی نوێ بە بەرەوپێشبردنی تەندروستی و خۆشگوزەرانی، ئەمەش ئاماژەیە بۆ ڕێبازێکی گشتگیر
بۆ هەرێمى کوردستانیش کۆڕبەندى داڤۆسى لە ساڵى 2024 تایبەتى گرنگى زۆرى هەیە بەتایبەت هەموو ئەو ئاستەنگانەى چ لە بوارى ئابوورى و وزەوە لە پێناو گەشەسەندن وپێشکەوتنى لەلایەن وڵاتانى هەرێمایەتى لە بەردەمى دروست دەکرێت و هەروەها لە رووى کەشواهەوا و ژینگەش و مەترسییەکانى تەکنۆلۆژیا ، ئەو پرسە گرنگانەن کە ڕێزدار مەسروور بارزانى سەرۆکى حکوومەتى کوردستان لەو کۆڕبەندە چ لە ڕێگەى دیداروگفتگۆکان و چ بەڕێگەى پێشکەشکرکردنى ووتارێک دەیخانەڕوو ، هەربوۆیە بەشداریکردن سەرۆکى حکوومەتى کوردستان ڕژدبوون و جەخت لە سەر بەدیههێنانى مافەرەواکانى کورد لەلایەک و لەلایەکى تریش گڕێدان و بەستنەوەى پێشکەوتنەکانى جیهان لەرووى گەشەسەندنى ئابوورى وکۆمەڵایەتى لە پێناو بەهێزکردنى پایەکانى هەرێمى کوردستانە .
بۆیە، بەشداریکردنی ڕێزدار مەسروور بارزانى سەرۆکى حکومەتی هەرێمى کوردستان لە کۆڕبەندی ئابووری جیهانی داڤۆس 2024 هەنگاوێکی پڕبایەخ و گرنگ و ستراتیژییە بۆ زیاتر بەرەوپێشبردنی هەردوو گەشەپێدانی ناوچەیی و هاوکاری نێودەوڵەتی، لە پێناو تێکشکاندنى ئاستەنگ و کۆسپەکان و قەیرانەکان لە ناوچەیەکى پڕ کێشە ململانێی بۆ کوردستانێکى بەهێز وداهاتوویەکى گەشتر.
ئەم هەواڵە 277جار خوێندراوەتەوە |
