 |
|
|||
ZNA - هه‌ولێر
بەرپرسانی ئەفغانستان رایانگەیاند، فڕۆکەیەک لە ناوچە شاخاوییەکانی باکووری رۆژهەڵاتی ئەو وڵاتە تێکشکاوە. فڕۆکەکە لە پارێزگەی بادەخشان کەوتووەتە خوارەوە، کە دەکەوێتە سنووری چین، تاجیکستان و پاکستان. زەبیحوڵڵا ئەمیری، بەڕێوەبەری فەرمانگەی زانیاریی پارێزگەکە رایگەیاند، "فڕۆکەکە تێکشکاوە، بەڵام هێشتا بە وردی نازانرێت کەوتووەتە کوێ. تیمەکانمان ناردوون، بەڵام هێشتا نەگەیشتوونەتە شوێنەکە." ئەو بەرپرسە ئاماژەی بەوەش کردووە، ئەم بەیانییە خەڵکی ناوچەکە ئەوانیان لەو رووداوە ئاگادار کردووەتەوە. زنجیرە چیای هیندوو کووش بەنێو پارێزگەکە دەڕوات؛ هەروەها بەرزترین چیای ئەفغانستان، چیای نۆشاخ، کە 7492 مەتر بەرزە، دەکەوێتە ئەو پارێزگەیە.
رووداو ئەم هەواڵە 214جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad