 |
|
|||
ZNA- هەولێر لە ئەنجامی بەردەوامی بۆردومانەکانی ئیسرائیل بۆ سەر کەرتی غەززە بۆ 108هەمین ڕۆژ، ئەمڕۆ دووشەممە، دەیان فەڵەستینی کوژران و بریندار بوون. سەرچاوە پزیشکییەکان ڕایانگەیاند، ژمارەی کوژراوانی تەقینەوەکەی خان یونس لە باشووری کەرتی غەززە بۆ 10 کەس بەرزبووەتەوە کە زۆربەیان منداڵن و دەیان کەسیش برینداربوون. ئاماژەیان بەوەشکرد، فڕۆکە جەنگییەکانی ئیسرائیل شوقەیەکی نیشتەجێبوونیان لە باڵەخانەیەک لە گەڕەکی نەمسا تەنیشت کۆمەڵگەی ناسر لە ڕۆژئاوای خان یونس بۆردومان کرد. خێرایی هێرشەکانی ئیسرائیل و تۆپباران و تەقەکردن لە گەڕەکەکانی باشوور و ڕۆژئاوای کۆمەڵگەی ناسر لە خان یونس پەرەی سەندووە و ڕۆژهەڵاتی گەڕەکەکانی ئەلتوفە و ئەلدەراج لە کەرتی غەززەش بۆردومان کران. لە ئامارێکدا، ژمارەی کوژراوان لە دوای هێرشەکانی 7ـی ئۆکتۆبەری ساڵی رابردوودا، بۆ زیاتر لە 25 هەزار کەس بەرزبووەتەوە، بریندارەکانیش گەیشتووەتە 62 هەزار و 681 کەس کە زۆرینەیان ژن و منداڵن، هاوکات هەزاران قوربانی هێشتا لە ژێر داروپەردوو دان. ئەم هەواڵە 160جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad