English | عربی | Kurdî دواهەواڵ
ڕاستەوخۆ  
 
ئەمریکا و بەریتانیا بە پشتیوانی چوار وڵات هێرشیان کردە سەر حووسییەكان
2024-01-23 [09:43 AM]

ZNA - هه‌ولێر


 

ئەمریکا و بەریتانیا لە چوارچێوەی ئەو ئۆپەراسیۆنە ئاسمانییەی بە پشتیوانی ئوسترالیا، بەحرەین، کەنەدا و هۆڵەندا بەڕێوەی دەبەن، هێرشیان کردە سەر هەشت ئامانجی حووسی لە یەمەن.

لە ڕاگەیەندراوێکی هاوبەشدا کە لەلایەن وەزارەتی بەرگریی بەریتانیاوە بڵاوکراوەتەوە، ئاماژە بەوە کراوە سوپاکانی ئەمریکا و بەریتانیا بە پشتیوانی هێزی ئەو وڵاتانەی ناویانهێندراوە هێرشیان کردووەتە سەر چەند خاڵێکی حووسییەکانی یەمەن کە کەشتیە بازرگانییەکان لە دەریای سوور دەکەنە ئامانج.

هەروەها لە ڕاگەیەندراوە هاوبەشەکەدا باس لەوە کراوە کە ئەو هێرشە ئاسمانییانە بە ئامانجی لەناوبردنی هەڕەشەکانی حووسییەکان ئەنجامدراوە بۆ سەر کەشتیە بازرگانییەکان و بازرگانی جیهانیی، ئەوەیش خراوەتەڕوو کە حووسییەکانیش لە ١١ی کانوونی دووەمەوە تا ئێستا، هێرشی مووشەکی بالستیان بۆ سەر کەشتییەکانی هاوپەیمانان و هێرشی فڕۆکەی بێفڕۆکەوانیان بۆ سەر کەشتیە بازرگانییەکانی ئەمریکا ئەنجامداوە.

لە ڕاگەیەندراوەکەدا ئاماژە بەوە کراوە کە هێرش کراوەتە سەر هەشت ئامانج و هاتووە: "هێرشەکەی ئەمڕۆ بەتایبەتی کۆگاکانی ژێر زەوی و توانا مووشەکی و ئاسمانییەکانی حووسییەکانی کردە ئامانج".





ئەم هەواڵە 196جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad