English | عربی | Kurdî دواهەواڵ
ڕاستەوخۆ  
 
ئێران خۆپێشاندەرێکی لەسێدارەدا
2024-01-23 [09:56 AM]

ZNA - هه‌ولێر


 

ماڵپەڕی میزانی سەر بە دەسەڵاتی دادوەریی کۆماری ئیسلامی ئێران، بڵاوی کردەوە محەممەد قوبادلوو، کە لە ناڕەزایەتییەکانی دوای گیانلەدەستدانی ژینا ئەمینی لە تاران دەستبەسەر کرابوو، بەیانیی ئەمڕۆ لە سێدارە درا.

محەممەد قوبادلوو، تەمەن 23 ساڵ، بەوە تۆمەتبار کرابوو؛ لە ناڕەزایەتییەکانی شارۆچکەی پەرەند لە تاران دەستی لە کوشتنی پۆلیسێک و بریندارکردنی پێنج پۆلیسی دیکەدا هەبووە. ساڵی 2022 دیوانی باڵای دادوەریی ئێران سزای لەسێدارەدانی بەسەردا سەپاندبوو.

محەممەد قوبادلوو بەیانی ئەمڕۆ (سێشەممە، 23-1-2024) لەسێدارەدرا، لە کاتێکدا ژمارەیەکی زۆر خەڵک لە تۆڕە کۆمەڵایەتییەکاندا داوای راگرتنی حوکمەکەیان دەکرد، پارێزەرەکەشی گوتبووی: جێبەجێکردنی حوکمەکەی بە تەواوەتی نایاساییە و دەبێت پێداچوونەوە بە دۆسییەکەیدا بکرێت.

ئەمیر رەئیسیان، پارێزەری قوبادلوو، گوتی: محەممەد قوبادلوو مافی ئەوەی هەیە داوای پێداچوونەوە بکات، بۆیە جێبەجێکردنی حکومەکەی لەڕووی یاساییەوە رێگەپێدراو نییە و، بێگومان وەک کوشتنی بە ئەنقەست لە قەڵەم دەدرێت.

رێکخراوی لێبووردنی بێودەوڵەتیش رۆژی دووشەممە بڵاویکردەوە، دۆسیەی محەممەد قوبادلوو کەموکوڕیی هەیە، ئەو نەخۆشی دەروونیی هەیە و "دانپێدانانەکانی لە ژێر ئەشکەنجەدا وەرگیراون و دۆسییەکەی بە نهێنی کاری لەسەر کراوە.





ئەم هەواڵە 334جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad