2024-01-24 [04:22 AM]

خۆپاراستن و ڕێگریكردن لە توشبوون بە شێرپەنجەی قۆڵۆن چەندین ڕێگای هەیە لەوانەش وەرزشكردن و چاڵاكی بەردەوامی جەستە، وازهێنان و دووركەوتنەوە لە جگەرەكێشان و خواردنی بڕێكی باش لە سەوزە، بە شێوەیەك، كە ڕۆژانە لە (30) گرام كەمتر نەبێت

. ڕێگاكانی خۆپاراستن و ڕێگریكردن لە توشبوون بە شێرپەنجەی قۆڵۆن كامانەن ؟

1. وەرزشكردن و چاڵاكی بەردەوامی جەستە.

2. وازهێنان و دووركەوتنەوە لە جگەرەكێشان.

3. دابەزاندنی كێشی جەستە لەو كەسانەی كە قەڵەون، چونكە دەركەوتووە كە قەڵەوی دەبێتە هۆی چەند شێرپەنجەیەكی ئەندامەكانی جەستە، شێرپەنجەی قۆڵۆن یەكێكە لەو شێرپەنجانەی، كە پەیوەندی بە قەڵەوییەوە هەیە، دابەزاندنی كێش و ڕێگریكردن لە قەڵەوی یەكێكە لە ڕێگاكانی خۆپاراستن لە شێرپەنجەی قۆڵۆن.

4. خواردنی بڕێكی باش لە سەوزە، بە شێوەیەك، كە ڕۆژانە لە (30) گرام كەمتر نەبێت.

5. دووركەوتنەوە لە خواردنەوە كهۆلیەكان.

6. كەمكردنەوەی خواردنی گۆشتی سوور بە تایبەتی گۆشتی ئامادەكراوی لە قووتو نراو.

7. خواردنی بڕی پێویست لە ڤیتامین دی و كالیسیۆم، چونكە دەركەوتووە، كە كەمی ڤیتامین دی دەكرێت یەكێك بێت لە هۆكارەكانی شێرپەنجەی قۆڵۆن.

8. ئەنجامدانی هەناوبینی (نازوور) ی پێشوەختە بۆ قۆڵۆن یەكێكە لە ڕێگا گرنگەكان، هەموو كەسێك لە دوای تەمەنی (45) ساڵیەوە پێویستە نازووری قۆڵۆن ئەنجام بدات هەموو (10) ساڵ جارێك. ئەگەر شێرپەنجەی قۆڵۆن لە خێزانێك هەبوو ئەوا پێویستە ئەندامانی دیكەی خێزانەكە لە پێش تەمەنی (45) ساڵییەوە نازووری قۆڵۆن ئەنجام بدەن. (د. حەبیب مەحمود – پزیشكی پسپۆڕی نەخۆشییەكانی نەشتەرگەری كۆئەندامی هەرس و جگەر)