 |
|
|||
ZNA: هەولێر خورما بە تامی دەوڵەمەند و سوودە خۆراکیەکانی ناسراوە، دەتوانێت ڕۆڵێکی گرنگ بگێڕێت لە نەهێشتنی قەبزی لە مانگە ساردەکاندا. بەپێی ڕاپۆرتێکی نوێ کە ماڵپەڕی پزیشکی تایبەتمەند "onlymyhealth" بڵاویکردووەتەوە، سێ سوودی سەرسوڕهێنەری خورما هەیە بۆ چارەسەرکردنی قەبزی لە وەرزی زستاندا:
١. دەوڵەمەندە بە ڕیشاڵ خورما سەرچاوەیەکی گەورەی ڕیشاڵی خۆراکییە، کە پێکهاتەیەکی سەرەکییە بۆ باشترکردنی هەرسکردنی تەندروست
. خواردنی خۆراکی دەوڵەمەند بە ڕیشاڵ یارمەتی ڕێکخستنی جوڵەی ڕیخۆڵە دەدات و ڕێگری دەکات لە قەبزی، خواردنی بڕێکی پێویست لە ڕیشاڵەکان بە تایبەتی لە وەرزی زستاندا پێویستە کاتێک بەدەست هێواشی هەرسکردنەوە دەناڵێنن بەهۆی کەمبوونەوەی چالاکیی جەستەیی و گۆڕانکاری لە خووەکانی خواردن.
٢. شلکەرەوەیەکی سروشتییە خورما تایبەتمەندی شلکەرەوەی سروشتی تێدایە، کە دەتوانێت یارمەتی ئاسانکردنی جوڵەی ڕیخۆڵە بدات، ئەمەش وای لێدەکات ببێتە هەڵبژاردەیەکی نایاب بۆ ئەو کەسانەی کە دەیانەوێت بەرەنگاری قەبزی ببنەوە بەبێ ئەوەی پشت بە شلکەرەوەی دەستکرد ببەستن.
٣. جەستە شێدار دەکاتەوە و ماددە خۆراکیەکانی جەستە بەرز دەکاتەوە خواردنەوەی ئاو زۆر گرنگە بۆ پاراستنی هەرسکردنی تەندروست، خورماش بەشدارە لە وەرگرتنی شلە بۆ جەستە جگە لەوەش دەوڵەمەندە بە ماددە خۆراکییە سەرەکییەکانی وەک پۆتاسیۆم و مەگنیسیۆم و ڤیتامینB6 کە پاڵپشتی تەندروستی گشتی هەرس دەکەن. ئەم هەواڵە 151جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad