English | عربی | Kurdî دواهەواڵ
ڕاستەوخۆ  
 
قه‌ته‌ر: پێشنیاری ئاگربەستی غەززە و ئازادکردنی بارمتەکان ده‌گه‌یه‌نینه‌ حەماس
2024-01-30 [01:01 AM]

ZNA - هه‌ولێر


 

دوای کۆبوونەوەکان لەگەڵ بەرپرسانی ئەمەریکا و ئیسڕائیل و میسڕدا، سەرۆک وەزیری قه‌ته‌ر ڕایگەیاند چوارچێوەیەکی کار بۆ ڕاگرتنی شەڕەکەی ناو غەززە و ئازادکردنی بارمتەکان بۆ حەماس دەنێردرێت.

قه‌ته‌ر لەگەڵ ئەمەریکا و میسڕدا ڕابەرایەتی هەوڵەکانی نێوەندگرییان کردووە لە جەنگەکەی نێوان ئیسڕائیل و حەماسدا. سەرۆک وەزیری قه‌ته‌ر شێخ محەمەد بن عەبدولڕەحمان ئەل ثانی لە بۆنەیەکدا لە واشنتن وتی " بەرەوپێشچوونێکی باش کراوە " لە ماوەی گفتوگۆکاندا لە پاریس.

سەرۆک وەزیرەکەی قه‌ته‌ر کۆبوونەوەکانی لەگەڵ بەڕێوبەری دەزگای هەواڵگری ناوەندی ئەمەریکا بیڵ بێرنس و بەرپرسانی هەواڵگری میسڕدا پشتڕاست کردەوە، وتی گفتوگۆکان بە چوارچێوەیەکی کار کۆتاییان هاتووە بۆ ئاگربەستێکی قۆناغ بە قۆناغ کە پێدەچێت لە قۆناغی یەکەمدا بارمتە ژن و منداڵەکانی تێدا ئازاد بکرێت و یارمەتی مرۆیی زیاتر بگەیەندرێتە غەززە.

وتی " لایەنەکان هیوادارن ئەم پێشنیارە بنێردرێت بۆ حەماس و وایان لێبکەن کاردانەوەیەکی ئەرێنییان بۆ پڕۆسەکە هەبێت."

شێخ محەمەد وتیشی حەماس پێش گفتوگۆکانیش " داوایەکی ڕوونی " هەبووە بۆ " ئاگربەستێکی هەمیشەیی "، ئەم پێشنیارەی ئێستاش کە هەیە ڕەنگە " لە داهاتوودا ببێتە هۆی ئاگربەستێکی هەمیشەیی. "

ئیسڕائیل دەڵێت نزیکەی 132 بارمتە لە کۆی ئەو 250 بارمتەیەی کە حەماس لە هێرشەکانی 7 ی مانگی 10 دا ڕفاندوونی هێشتا لە غەززە ماونەتەوە، بە لاشەی مردووی لانیکەم 28 بارمتەشەوە.

 

voa





ئەم هەواڵە 211جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad