 |
|
|||
ZNA - هه‌ولێر وەزارەتی تەندروستیی غەززە ڕایگەیاند کە ژمارەی قوربانییانی ھێرشەکانی ئێسرائیل بۆسەر کەرتی غەززە، بەرزبووەتەوە بۆ ٢٦ ھەزار و ٧٥١ کوژراو و ٦٥ ھەزار و ٦٣٦ بریندار. وەزارەتی تەندروستی غەززە لە ڕاگەیەندراوێکدا، دوایین ئاماری لەبارەی ژمارەی قوربانیانی ھێرش و بۆردومانەکانی ئیسرائیل بۆسەر کەرتی غەززە کە بۆ ١١٦ رۆژە بەردەوامە، خستووەتەڕوو. بەپێی ڕاگەیاندراوەکە، لە ٢٤ کاتژمێری ڕابردوودا، سوپای ئیسرائیل، ١٣ کۆمەڵکوژری دژبە فەڵەستییەکان لە کەرتی غەززە ئەنجامداوە و لە ئاکامدا، ١١٤ کەس کوژراون و ٢٤٩ ی دیکەش برینداربوون. ئاماژەی بەوەشداوە، ژمارەی ئەو فەڵەستینیانەی کە لە٧ی تشرینی یەکەمی ٢٠٢٣وە تا ئێستا لە ئاکامی ھێرشەکانی ئیسرائیل بۆسەر کەرتی غەززە کوژراون، بەرزبووەتەوە بۆ ٢٦ ھەزار و ٧٥١ کەس و ژمارەی بریندارەکانیش گەیشتووەتە ٦٥ ھەزار و ٦٣٦ کەس. ئەم هەواڵە 193جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad