English | عربی | Kurdî دواهەواڵ
ڕاستەوخۆ  
 
کەنەدا قەدەغەکردنی هەناردەکردنی چەکی بۆ تورکیا هەڵگرت
2024-01-30 [05:23 AM]

ZNA- هەولێر


کەنەدا ڕایگەیاند لەمەو دوا قەدەغەکردنی هەناردەکردنی هەندێک چەک بۆ تورکیا لادەبات. ئەم کارە نزیکەی هەفتەیەک دوای پەسەندکردنی ئەندامێتیی سوید لە ناتۆ لەلایەن ئەنقەرەوە ئەنجامدرا.

حکومەتی کەنەدا لە ئاگادارییەکدا بۆ هەناردەکاران ڕایگەیاند ڕێگەپێدانی کەلوپەلی سەربازی و هەندێک جۆری چەک بۆ تورکیا "ئێستا کەیس بە کەیس پێداچوونەوەی بۆ دەکرێت".

کەنەدا جەختی لەوە کردەوە سیاسەتی قەدەغەکردنی هەناردەی چەک بۆ تورکیا لەمەودوا هەڵگیراوە.

کەنەدا لە مانگی نیسانی ٢٠٢١ بە فەرمی هەناردەکردنی چەکی سەربازی بۆ تورکیا قەدەغە کرد، دوای ئەوەی لە لێکۆڵینەوەیەکدا دەرکەوت تەکنەلۆژیای درۆنی  کەنەدایی کە هەناردەی تورکیا دەکرێت لەلایەن ئازەربایجانەوە لە ململانێکان لەگەڵ ئەرمینیا بەکارهاتووە.

قەدەغەکردنی هەناردەکردن کاریگەری لەسەر نزیکەی ٣٠ مۆڵەت هەبووە و کاریگەری لەسەر کۆمەڵێک کاڵا و تەکنەلۆژیای سەربازی بەرفراوان هەبووە، لەوانە پێکهاتەکانی دروستکردنی فڕۆکە، نەرمەکاڵا و داتای تەکنیکی بۆ سیمولەیتەرەکانی فڕین، ئامێری مانگی دەستکرد و پێکهاتەکانی چەکی ئاگرین.

 





ئەم هەواڵە 217جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad