 |
|
|||
ZNA - هه‌ولێر
دوای ئەوەی واشنتن بەڵێنیدا وەڵامی ئەو هێرشە بداتەوە کە کرایە سەر بنکەیەکی ئەمەریکا لە ئوردن و بەهۆیەوە سێ سەربازیی ئەمەریکایی کوژران، ڕۆژی سێشەممە کرێملن داوای کەمکردنەوەی گرژییەکانی لە ڕۆژهەڵاتی ناوەڕاستدا کرد. وتەبێژی کرێملن دمیتری پێسکۆڤ بە ڕۆژنامەنووسانی وت " بە بۆچوونی ئێمە، ئاستی گرژییەکان بە شێوەیەکی گشتی زۆر جێی نیگەرانییە، بە پێچەوانەوە ئێستا کاتی ئەوەیە هەنگاو بگیردرێتەبەر بۆ کەمکردنەوەی گرژییەکان." کۆشکی سپی بەڵێنیداوە " وەڵامێکی زۆر توندی " هەبێت بۆ هێرشەکەی سەر بنکەکەی ئوردن کە بە فڕۆکەی بێفڕۆکەوان ئەنجام درا و سێ سەربازیی ئەمەریکایی کوژران، سەرۆکی ئەمەریکا جۆو بایدنیش بەرپرسیارێتی هێرشەکەی خستە ئەستۆی ئەو گروپە چەکدارییانەی کە ئێران پشتیوانییان لێدەکات. تارانی هاوپەیمانی مۆسکۆ وتی هیچ پەیوەندییەکی نەبووە بە هێرشەکەوە و ڕەتی کردەوە پشتیوانی لەو گروپە چەکدارییانە کردبێت کە هێرشەکەیان ئەنجام داوە. پێسکۆڤ وتی " ئەمە تەنها شتە کە دەتوانێت یارمەتیمان بدات لە ڕێگریکردن لە پەرەسەندنی زیاتری ململانێکە، بە تایبەتی ململانێکەی ڕۆژهەڵاتی ناوەڕاست." لە دوای دەستپێکردنی جەنگەکەی نێوان ئیسڕائیل و حەماسەوە، ئەمە یەکەمین جارە سەربازانی ئەمەریکا لە هێرشێکدا لە ناوچەکەدا بکوژرێن، ئەمەش ترسی دروست کرد لەسەر پەرەسەندنی ململانێکە لە کاتێکدا کە شەڕەکە لە غەززە بەردەوامە.
voa ئەم هەواڵە 265جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad