English | عربی | Kurdî دواهەواڵ
ڕاستەوخۆ  
 
له‌چەند ڕۆژی داهاتوودا بلینکن دەگەڕێتەوە رۆژهەڵاتی ناوەڕاست
2024-02-01 [10:49 AM]

ZNA - هه‌ولێر


 

ئەمڕۆ چوارشەممە بەرپرسێکی ئەمەریکی ڕایگەیاند، بەم زووانە ئەنتۆنی بلینکن وەزیری دەرەوەی ئەمەریکا دەگەڕێتەوە ڕۆژهەڵاتی ناوەڕاست، لەکاتێکدا دانوستانەکان لەسەر پێشنیارێک بۆ وەستاندنی هێرشەکانی ئیسرائیل و ئازادکردنی بارمتە دەستبەسەرکراوەکانی لای حەماس گەرمتر دەبن.

ئەو بەرپرسەی کە نەیویست ناوی ئاشکرا بکرێت، بەبێ ئەوەی شوێنی مەبەست و بەروارەکانی دیاری بکات، وتی "لە چەند ڕۆژی داهاتوودا" بلینکن دەگەڕێتەوە ناوچەکە.

ئەمە پێنجهەمین گەشتی بلینکن دەبێت بۆ ناوچەکە لە دوای 7ی ئۆکتۆبەرەوە، کاتێک چەکدارانی بزووتنەوەی حەماس هێرشێکی بێ پێشینەیان لەناو خاکی ئیسرائیل ئەنجام دا، کە بە هەڵمەتێکی سەربازیی بێوچان لە کەرتی غەززە کە لە ژێر دەسەڵاتی حەماسدایە لەلایەن ئیسرائیلەوە وەڵام درایەوە.

بلینکن لە هەموو گەشتەکانیدا هەم سەردانی ئیسرئیل و هەم سەردانی ژمارەیەک وڵاتی عەرەبی کردووە.

دوایین گەشتەکە لە کاتێکدایە کە ئیسرائیل و حەماس تاوتوێی پێشنیارێک دەکەن کە شەڕەکە ڕادەگرێت لەبەرامبەر ئازادکردنی بارمتەکان.

بلینکن ڕۆژی دووشەممە وتی "هیوایەکی ڕاستەقینە" هەیە بۆ ئەوەی کە ناوی لێنا "پێشنیارێکی باش و بەهێز" کە لە ڕێگەی قەتەرەوە نێوەندگیری دەکرێت.

چاوەڕوانیش دەکرێت هەر لە ڕۆژی چوارشەممە جەیک سولیڤان، ڕاوێژکاری ئاسایشی نیشتمانی ئەمەریکا لە واشنتۆن لەگەڵ ڕۆن دێرمر، وەزیری کاروباری ستراتیژی ئیسرائیل کۆببێتەوە کە هاوپەیمانی نزیکی بنیامین ناتانیاهۆ سەرۆک وەزیرانی ئیسرائیلە.

 

voa





ئەم هەواڵە 238جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad