 |
|
|||
ZNA - هه‌ولێر گەردەلوولی تۆڵەی ئەمەریکا بۆ سەر میلیشیاکانی نزیک لە ئێران، لە عێراق و سووریا دەستیپێکرد و 85 پێگەی ئەو گرووپانەیان بۆردوومانکرد. پێنتاگۆنیش دەڵێت، "ئەمە تەنها سەرەتایە." فڕۆکە جەنگییەکانی ئەمریکا لە دوایین ساتەکانی شەوی هەینی، لەنێو عێراق و سووریا هێرشیان کردە سەر پێگەی سوپای پاسدارانی ئێران و گرووپە چەکدارەکانی لایەنگری تاران، له‌مباره‌یه‌وه، فەرماندەیی ناوەندیی هێزەکانی ئەمەریکا بڵاویکردەوە، لە شەوی رابردووەوە 85 پێگەیان لە عێراق و سووریا بۆردوومانکردووە. وتیشی، چەندین کۆگای درۆن و مووشەکی فەیلەقی قودسی پاسداران و دارودەستەکانیان لە عێراق و سووریا وێرانکردووە. ئەمریکا دەڵێت، ئەوە تەنیا "سەرەتایە" و زنجیرەیەک هێرشی دیکەش بەڕێوەن لە کات و شوێنێک کە خۆیان دیاری دەکەن. سەرچاوەکانی حەشدی شەعبی باس لە کوژران و برینداربوونی لانیکەم 10 کەس لە پارێزگەی ئەنبار دەکەن. لە سووریاش سەرچاوە خۆجێیەکان دەڵێن، 18 ئەندامی گرووپە چەکدارەکانی لایەنگری ئێران کوژراون. کۆشکی سپی رایگەیاند، هێرشە ئاسمانییەکانیان 30 خولەکیان خایاندووە و لە بەدیهێنانی ئامانجەکانیاندا "سەرکەوتوو بوون." ئەم هەواڵە 172جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad