 |
|
|||
ZNA - هەولێر لە یاری لوتکەی هەفتەی 23ی خولی نایابی ئینگلتەرا، یانەی ئارسناڵ لە یاریگای ئیمارات میوانداری لیڤەرپوولی کرد.
لە ئەنجامدا یانەی ئارسناڵ توانی یارییەکە بە سێ گۆڵ بەرامبەر بە گۆڵێک شکستی بە لیڤەرپوول هێنا
لە تایمی یەکەمدا هەردوو یانە چەندین هەوڵیاندا بۆ تۆمارکردنی گۆڵ، لە خولەکی 14 گەنەرز توانی گۆڵی یەکەمی یارییەکە لەڕێگەی یاریزان بوکایۆ ساکاوە تۆماربکات، لیڤەرپوول بەردەوامبوو لە هەوڵەکانیان و لە خولەکی سێی زیادکراوی ئەو تایمە گابریێل بەهەڵە گۆڵێکی لە خۆیان و لە سوودی لیڤەرپوول تۆمارکرد.
لە تایمی دووەم، لیڤەرپوول سێ گۆڕانکاری لەسەر یەکی ئەنجامدا بۆ گۆڕینی ئەنجامەکە، بەڵام لە خولەکی 67دا گابریێل مارتینێلی گۆڵی دووەمی تۆپ هاوێژەکانی لەندەنی تۆمارکرد و یانەکەی پێشخست، لە خولەکی 88 ناوبژیوانی یارییەکە ئیبراهیم کوناتێ بە کارتی سوور کردە دەرەوە و ئەرکی لیڤەرپوولی قورسترکرد، لە خولەکی دووی زیادکراوی ئەو تایمە ترۆسارد گۆڵی سێیەم و دڵنیایی یانەی ئارسناڵی تۆمارکرد.
بەم سەرکەوتنە، یانەی ئارسناڵ سێ خاڵی گرنگی بەدەستهێنا و ئێستا 49 خاڵی هەیە و لەپلەی دووەمی ڕیزبەندی دێت بەشێوەیەکی کاتی، لیڤەرپوولیش بە 51 خاڵ لە پێشەنگی ڕیزبەندی مایەوە. ئەم هەواڵە 241جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad