 |
|
|||
ZNA - هەولێر لە درێژەی یارییەکانی گەڕی 24ی خولی نایابی ئینگلتەرا، یانەی ئارسناڵ لە دەرەوەی یاریگای خۆی بووە میوانی وێستهام.
لە ئەنجامدا یانەی گەنەرز توانی یارییەکە بە شەش گۆڵی بێبەرامبەر شکستی بە وێستهامی خاوەن یاریگا هێنا.
لە تایمی یەکەمدا کەرنەڤاڵی گۆڵکردن دەستیپێکرد و ئارسناڵ چوار گۆڵی لە خولەکەکانی 32، 41، 44 و خولەکی دووی زیادکراوی ئەو تایمە لەڕێگەی یاریزانان سالابیا، ساکا، ماگالایس و لیۆناردۆ ترۆسارد تۆمارکرد.
لەتایمی دووەمیشدا تۆپ هاوێژەکانی لەندەن کونترۆڵی یاریگایان کردبوو توانیان دوو گۆڵی تر لەلایەن ساکا و رایس تۆمارکرد و یارییەکەش بە شەش گۆڵی بێبەرامبەر تەواو بوو.
بەم سەرکەوتنە، یانەی ئارسناڵ لە پلەی سێیەمە بە کۆکردنەوەی 52 خاڵ، وێستهامیش خاوەن 34 خاڵە پلەی هەشتەمی گرتووە. ئەم هەواڵە 208جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad