English | عربی | Kurdî دواهەواڵ
ڕاستەوخۆ  
 
شوێنی یادی نەورۆز لە ئاکرێ فراوان دەکرێت و بڕیارە ئەمساڵ جیاوازتر یادی نەورۆز بکرێتەوە
2024-02-12 [05:27 AM]

ZNA-هەولێر


سەرۆکی شارەوانی ئاکرێ باس لەوە دەکات، دەست بە قیڕتاوکردن و کۆنکریتکردنی ھەشت گەڕەکی ئاکرێ کراوە بە گوژمەی زیاتر لە دوو ملیار دینار، هاوکات شوێنی یادکردنەوەی نەورۆزیش بە گوژمەی ٤٠٠ملیۆن دینار فراوان دەکرێت، چونکە دەمانەوێت بۆ ئەمساڵ بۆ یادی نەورۆز پێشوازیی لە خەڵکێکی زیاتر بکەین. 

بڵند ڕەزا زێباری، سەرۆکی شارەوانی قەزای ئاکرێ، بۆ ماڵپەڕی فەرمیی پارتی دیموکراتی کوردستان گوتی: لە قەزای ئاکرێ بە گوژمەی دوو ملیار و ١٤٥ملیۆن دینار دەست بە دروستکردن و قیڕتاوکردن و کونکریتکردنی شەقامی ھەشت گەڕەکی ئاکرێ کراوە، سەرەتا لە گەڕەکی شەفیلکا دەستمان پێ کردووە و بە قۆناغ بەردەوام دەبین تاوەکو ھەر ھەشت گەڕەک تەواو دەبێت، چونکە دەمانەوێت ھەموو گەڕەک و کۆڵانەکانی ئاکرێ قیڕتاو و کۆنکریت بکرێن، ئێستاش لەو شوێنانە کار دەکەین پێویستترن. 

بڵند ڕەزا زێباری گوتیشی: ئەمساڵ دەمانەوێ لە ئاکرێ وەکو پایتەختی نەورۆز بە بەشداری خەڵکێکی زیاتر و جیاوازتر پێشوازی لە خەڵک بکەین و یادی نەورۆز بکەینەوە، بۆیە ئەو گۆڕەپانەی یادی نەورۆزی لێ دەکرێتەوە ھەزار مەتری دیکە فراوان دەکرێت بۆ ئەوەی شوێنی خەڵکی زیاتر ببێتەوە، چونکە گۆڕستانێک لەو شوێنە هەبوو ھەشتا گۆڕی تێدابوو ھی دوو بنەماڵە بوو و قسەمان لەگەڵ کردن کە دواین گۆڕ لە ساڵی ١٩٨٣ نێژرابووە و لەسەر ڕەزامەندی کەس و کاری ئەوان بۆ شوێنێکی دیکە گوازرانەوە، ئێستا بەردەوام کاری تێدا دەکرێت کە ٤٠٠ملیار دیناری بۆ خەرج کراوە چونکە دەمانەوێت پێش نەورۆزی ئەمساڵ تەواو بکرێت و بە جوانترین شێوە پێشوازی لە خەڵک بکەین لە پایتەختی نەورۆز. 

 





ئەم هەواڵە 262جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad