 |
|
|||
ZNA- هەولێر ئاژانسی رۆیتەرز لە زمان چەندین سەرچاوەی ئیرانی و عێراقییەوە ئاشکرای کردووە، ئیسماعیل قائانی، فەرماندەی فەیلەقی قودسی سوپای پاسداران، دوو حەفتە لەمەوبەر لە سەردانێکدا بۆ عێراق لە فرۆکەخانەی بەغدا لەگەڵ فەرماندەی میلیشاکانی عێراق کۆبووەتەوە و داوای لێ کردوون هێرش نەکەنە سەر هێزەکانی ئەمریکا. بە پێی راپۆرتی ڕۆیتەرز، قائانی بەو میلیشیا شیعانه‌ی راگەیاندووە، ئەگەر دەیانهەوێت لە هێرشی ئەمریکا بۆ سەر فەرماندە باڵاکان و دامەزراوەکانی ئەم هێزانە بەدوور بن و ئەمریکا پاساوی بۆ هێرشی ڕاستەوخۆ بۆ سەر ئێران نەبێت، پێویستە هێرشەکانیان بۆ سەر هێزەکانی ئەمریکا ڕابگرن. لە ماوەی دوو حەفتەی ڕابروودا و پاش سەردانی قائانی بۆ بەغدا، هیچ هێرشێک نەکراوەتە سەر هێزەکانی ئەمریکا لە عێراق. بە گوێرەی راپۆرتی رۆیتەرز قائانی لە سەردانی بۆ بەغدا نەیوێراوە لە فڕۆکەخانە دەربچێت و ترساوە بە مەرەدی قاسم سولەیمانی بچێت و لە دەرەوەی فڕۆکەخانە بدرێتە بەر هێرش. ئەم هەواڵە 223جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad