|
ZNA:هەولێر ئاوی بنێشتی تاڵ زۆر سوودمه‌نده بۆ زۆرێك له نه‌خۆشیه‌كان تایبه‌ت نه‌خۆشیه‌كانی گه‌ده و میزه‌ڵدان و گورچیله و شه‌كره و زه‌خت و ڕێككردنه‌وه‌ی عاده‌ی ئافره‌تان و كه‌سێكیش تووشی حه‌ساسیه‌تی پێست هاتبێت به‌كاری بێنێ بۆ ده‌ره‌وه‌ی لاشه‌ی حه‌ساسیه‌ته‌كه‌ی نامێنێ ... پێویسته تێبینی ئه‌وه بكرێت كه نابێت زۆر له‌و ئاوه بخورێته‌وه و زۆر خواردنه‌وه‌ی ده‌بێته هۆكاری سكچوون له شه‌وو رۆژێكدا له پیاڵه‌یه‌ك زیاتر نه‌خورێته‌وه باشه.... ئه‌مه‌ش به ته‌جره‌به‌ی كوردی سه‌لمێنراوه و شێخانی گه‌وره‌ی بیاره‌ش بۆ عیلاج به‌كاریان هێناوه...
ئه‌مڕۆ و به مه‌به‌ستی بینینی شێوازی كوڵاندنی بنێشتی تاڵ و كردنی به بنێشتی كوردی و به‌یداكردنی ئاوی بنێشته تاڵ چوومه خزمه‌ت كاك عومه‌ر مه‌لا حوسه‌ین بۆینی كه له ساڵی (83) وه بنێشت ئه‌كوڵێنێت و له ساڵی (1991) كاری ڕه‌سمی بوه‌ته بنێشت كوڵاندن و ماوه‌یه‌ك له خزمه‌تی مامه‌وه و زۆر سوودم وه‌رگرت له ته‌جره‌به‌كانی و خودا خێری بنووسێت كه هه‌ندێ ئاوی بنێشتی تاڵی پێ به‌خشین بۆ خۆمان و ی‌وۆ فه‌قێكان به جیا و دواتریش بێ بنێشتی نه‌كردین و بنێشتی كوردی تازه‌ی پێ به‌خشین یاخوا ماڵی ئاوابێت و كاری پڕ به‌ره‌كه‌ت بێت خودا نموونه‌ی ئه‌م پیاوانه له شارماندا زۆر بكات ...
داوامه له لاوانی بۆینی ئه‌م سه‌نعه‌ته له ده‌ست نه‌ده‌ن و فێری بن تا له‌ناویانا بمێنێته‌وه ...
قۆناغه‌كانی بنێشت كوڵاندن:
1. كوڵانێكی سه‌ره‌تایی و پاڵاوتن بۆ لابردنی پوش و په‌ڵاش و قوڕ و به‌ردی ناو بنێشته تاڵه‌كه.
2. كوڵاندنێكی تایبه‌ت كه پێویسته بنێشته‌كه و ئاوه‌كه یه‌كسان بن یان ئاوه‌كه بڕێك كه‌متر بێت.
3. پێویسته ئه‌و كه‌سه‌ی بنێشته‌كه ئه‌كوڵێنێت چاودێری بكات بۆ ئه‌وه‌ی ئاگر نه‌گرێت و به‌رده‌وامیش به كه‌چكێكی دار كه‌وچكی تێوه‌ردات تا كه‌ف نه‌كات و هه‌ڵچێت.
4. كه خه‌ست بوه‌وه سارد ده‌كریته‌وه و ده‌بێته بنێشتی كوردی.
5. ئه‌و ئاوه‌ی بنێشته‌كه‌ی پێ كوڵێنراوه ته‌واو تامی بنێشتی تاڵ ده‌دات و ته‌واوی پێكهاته‌كاته‌كانی بنێشتی تاڵی تێدا هه‌ست پێ ده‌كه‌یت.
6. بنێشت كوڵێنه‌كان ساڵان ئه‌م ئاوه‌یان ئه‌ڕشت، داوایان لێ ده‌كه‌م نه‌یڕژن و بیده‌ن به نه‌خۆش تا سوودی لێ وه‌ربگرن.
د.عبدالدائم معروف هه‌ورامانی
ئەم هەواڵە 250جار خوێندراوەتەوە |
