 |
|
|||
ZNA- هەولێر بنەماڵەی بارمتە ئیسرائیلییەکان کە لەلایەن بزووتنەوەی حەماسەوە گیراون، لە بەردەم ماڵی سەرۆکی ئیسرائیل، بێنی گانتز، گردبوونەوە و ناڕەزایەتییان دەربڕی و دروشمی "بۆ سەرۆک وەزیرانمان، هەست دەکەین ئێمە دوژمنین و دەبێت بمانپارێزن"یان دەگوتەوە. بەگوێرەی ماڵپەڕی "ینێت"، خۆپیشاندەران لەبەردەم ماڵی گانتز لە شاری ڕۆش هایین دروشمیان دەگوتەوە و دەیانگوت: "لەوێ دەستدرێژی دەکرێتە سەر کچەکانمان، سەربازەکانیش رووبەڕووی دەستدرێژی سێکسی دەبنەوە". هەروەها پرسیاری ئەوە لەگانتز کرا کە بۆچی تیمی ئیسرائیل بەشداری دانوستانەکانی قاهیرەیان نەکردووە، لە وەڵامدا گوتی: "تیمەکە دەگاتە قاهیرە کاتێک بارودۆخ گونجاو بوو، ئێمە دەمانەوێت بچین بۆ گەڕاندنەوەی بارمتەکان، نەک چوونە ئەوێ لە پێناو چوون بۆ کۆبوونەوە". هەروەها ئەندامانی بارمتەکان بە گانتزیان گوتووە: پێویستە لە ئێوە ببیستین کە ئێمە دوژمن نین، بۆ سەرۆک وەزیرانمان (بنیامین ناتانیاهۆ) هەست دەکەین ئێمە دوژمنین، دەبێت ئێمە بپارێزن. ئەم هەواڵە 133جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad