English | عربی | Kurdî دواهەواڵ
ڕاستەوخۆ  
 
ئەمەریکا پلانێک بۆ وەڵامدانەوەی هەڕەشەکانی رووسیا ئامادە دەکات
2024-02-19 [12:38 PM]

ZNA- هەولێر


سەرۆکی لیژنەی هەواڵگری ئەنجوومەنی نوێنەرانی ئەمەریکا رایگەیاند، ئەمەریکا پلانێک ئامادە دەکات بۆ وەڵامدانەوەی ئەو هەڕەشە نوێیانەی رووسیا بە دانانی چەکی ئەتۆمی لە بۆشایی ئاسمان.

سەرۆکی لیژنەی هەواڵگری ئەنجوومەنی نوێنەرانی ئەمەریکا، مایک تێرنەر لە چاوپێکەوتنێکدا لەگەڵ کەناڵی ئێن بی سی نیوز" رایگەیاند، واشنتن دەستیکردووە بە ئامادەکردنی پلانێک بۆ وەڵامدانەوەی پەرەپێدانی چەکی دژە مانگی دەستکردی رووسیا لە بۆشایی ئاسماندا، ئاماژەی بەوەشکرد، جەیک سولیڤان یاریدەدەری سەرۆکی ئەمەریکا بۆ کاروباری ئاسایشی نیشتمانی دەستیکردووە بە دانانی بناغەکانی ئەم پلانە.

تێرنەر گوتیشی: "هەڕەشەکە زۆر جدییە و دڵخۆشم کە ئیدارەی سەرۆک جۆو بایدن دەستیکردووە بۆ گرتنەبەری رێوشوێنی پێویست لەو بارەیەوە".

کەناڵی ئەی بی سی نیوز بڵاویکردەوە کە "رووسیا بەنیازە چەکی ئەتۆمی لە بۆشایی ئاسمان جێگیر بکات بۆ بەکارهێنانی لە دژی مانگە دەستکردەکان".

سەرۆکی لیژنەی هەواڵگری ئەنجوومەنی نوێنەرانی ئەمەریکا، هۆشداریدا لە "مەترسی بۆ سەر ئاسایشی نەتەوەیی" و داوای لە جۆو بایدن، سەرۆکی ئەمەریکا کرد کە هەواڵە نهێنییەکان بەرزبکاتەوە بۆ ئەوەی بتوانرێت رێوشوێنەکانی رووبەڕووبوونەوە لێکۆڵینەوەی لەسەر بکرێت.

جەیک سولیڤان، ڕاوێژکاری ئاسایشی نیشتمانی کۆشکی سپی ڕایگەیاندووە کە "بڕیاری کۆبوونەوەیەکی نهێنی لەگەڵ سەرکردایەتی کۆنگرێس لەسەر ئەم بابەتە داوە".





ئەم هەواڵە 256جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad