English | عربی | Kurdî دواهەواڵ
ڕاستەوخۆ  
 
سەرۆكایەتی هەرێمی كوردستان و حكوومەتی هەرێمی كوردستان لەگەڵ كۆمسیۆنی باڵای سەربەخۆی هەڵبژاردنەكانی عێراق كۆبوونەوە
2024-02-20 [05:52 AM]

ZNA-هەولێر


ئەمڕۆ سێشەممە 2024/2/20 لە سەرۆكایەتیی هەرێمی كوردستان، شاندی سەرۆكایەتیی هەرێمی كوردستان و حكوومەتی هەرێمی كوردستان بە ئامادەبوونی نوێنەری یۆنامی لەگەڵ كۆمسیۆنی باڵای سەربەخۆی هەڵبژاردنەكانی عێراق كۆ بوونەوە.
‏‎مەبەستی كۆبوونەوەكە، تاوتوێكردنی هەنگاوەكانی ئامادەكاریی هەڵبژاردنی پەرلەمانی كوردستان بوو. سەرۆكایەتیی هەرێمی كوردستان و حكوومەتی هەرێمی كوردستان، ئامادەیی تەواویان بۆ ئاسانكاری و هاوكاریكردنی بەڕێوەچوونی پرۆسەكە بە شێوەیەكی شەفاف و پیشەیییانە دەربڕی.
‏‎لە كۆبوونەوەكەدا، كۆمسیۆن باسی ڕێكارە تەكنیكییەكان و دابەشكردنی كات بۆ هەنگاوەكانی ئەنجامدانی هەڵبژاردنیان لە چوارچێوەی كاتی بەردەستی یاساییی تەمەنی كۆمسیۆندا خستە ڕوو، لە هەمان كاتدا نوێنەری یۆنامیش ئامادەیی نیشان دا كە هاوكاری هەموو هەنگاوەكان بن بۆ سەركەوتنی پرۆسەی هەڵبژاردن.
‏‎لە كۆبوونەوەكەدا جەخت كرایەوە كە سەرۆكایەتیی هەرێمی كوردستان و حكوومەتی هەرێمی كوردستان وەك ئەوەی لە ڕابردوودا هەنگاوی جدییان بۆ بەڕێوەچوونی هەڵبژاردن لە هەرێمی كوردستان هەڵناوە و ئەركی یاساییی خۆیان بەجێ گەیاندووە، ئێستاش بە هەمان پەرۆشی و ڕژدییەوە هەموو كارێكی پێویست ئەنجام دەدەن بۆ ئەوەی هەڵبژاردنێكی سەركەوتوو لە هەرێمی كوردستان ئەنجام بدرێت.





ئەم هەواڵە 310جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad