 |
|
|||
ZNA - هه‌ولێر
بەرپرسان ڕایانگەیاند لە میانەی هەڵمەتێکی نێودەوڵەتی بە ڕابەرایەتی جێبەجێکارانی یاسایی بەریتانیا و ئەمەریکا، توانیویانە بە توندی چالاکییەکانی هەرە زیانبەخشترین گروپی تاوانە ئەلیکترۆنیەکانی جیهان پەکبخەن، ئەوانەی پەیوەندیان بە پرۆگرامی لۆکبیتی پسپۆڕی ڕووسیاوە هەیە. کۆمپانیای لۆکبیت و لقەکانی، حکومەت و کۆمپانیا گەورەکان و خوێندنگەکان و نەخۆشخانەکانیان کردووەتە ئامانج و زیانی ملیارەها دۆلاریان گەیاندووە و دەیان ملیۆن دۆلاریان وەک قەرەبوو لە قوربانییەکان کێشاوەتەوە. ئاژانسی نیشتمانی بۆ کاروباری تاوانەکانی بەریتانیا NCA کە لەگەڵ نووسینگەی لێکۆڵینەوەی فیدرالی ئەمەریکا و یۆرۆپۆڵ و دەزگاکانی 9 وڵاتی دیکە لە هەڵمەتی کرۆنۆس کاردەکەن ڕایگەیاند ئەم ئاژانسانە دزەیان کردووەتە ناو تۆڕی لۆکبیت و کۆنترۆڵی خزمەتگوزارییەکانیان کردووە. " گرام بیگەر" بەڕێوەبەری گشتی NCA ئاژانسی نیشتمانی بۆ کاروباری تاوانەکانی بەریتانیا لە لەندەن بە پەیامنێرانی گوت " ئێمە دزەمانکردە نێو خزمەتگوزارییەکانی هاککەرەکان و کۆنتڕۆڵی ژێرخانی ئەوانمان کردووە و دەستمان بەسەر سەرچاوەی کۆدەکانیاندا گرتووە و زانیاری سەرەکیمان دەستکەوتووە کە یارمەتی قوربانییەکان دەدات کۆدی سیستەمەکانیان بکەنەوە. "ماڵپەڕی لۆکبیت" ئەو خزمەتگوزارییانە دەفرۆشێت کە ڕێگە بە خەڵک دەدات هێرشی ئەلیکترۆنی ڕێکبخەن و داتاکان ڕابگرن هەتا ئەو کاتەی پارەیان دەدرێتێ. وەزارەتی دادی ئەمەریکا (DOJ) ڕایگەیاند کە دەزگاکان دەستیان بەسەر "ژمارەیەکی زۆر ماڵپەڕی گشتیدا گرتووە کە لەلایەن لۆکبیتەوە بەکاردەهێنرێن بۆ پەیوەندیکردن بە ژێرخانی ڕێکخراوەکەوە" و گوتیشی ئاژانسەکان کۆنترۆڵی ئەو سێرڤەرانەیان کردووە کە لەلایەن بەڕێوەبەرانی لۆکبیتەوە بەکاردەهێنرێن. بەگوێرەی ئامارەکانی وەزارەتی دادی ئەمەریکا، کۆمپانیای لۆکبیت زیاتر لە 2000 قوربانی کردووەتە ئامانج و زیاتر لە 120 ملیۆن دۆلاری وەک فیدیە وەرگرتووە لەو کاتەوەی کە چوار ساڵ لەمەوبەر لۆکبیت دامەزرێندرا. ئەو کەسانەی کراونەتە ئامانج بریتین لە کۆمپانیای ڕۆیاڵ مەیڵی بەریتانیا و کۆمپانیای بۆینگی ئەمەریکایی بۆ دروستکردنی فڕۆکە و هەروەها نەخۆشخانەیەکی کەنەدی منداڵان. ئەو بڕە پارەیەیی کە هاککاران دەشێت لە قوربانیانی داوا بکەن لە هەزاران دۆلارەوە دەگاتە ملیۆنان دۆلار. ئەمەریکا ڕۆژی سێشەممە تۆمەتبارکردنی دوو هاووڵاتی ڕووسی ئاشکراکرد و ژمارەی ئەو ڕووسیایانەشی کە تۆمەتبارکراون بەهۆی پەیوەندیان لەگەڵ لۆکبیت گەیشتە پێنج کەس.
voa ئەم هەواڵە 166جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad