2024-02-26 [11:09 AM]

سەرۆکی ئۆکرانیا ڤلادیمێر زێلێنسکی رایگەیاند، لە شەڕی نێوان دوو ساڵەی نێوان ئۆکرانیا و رووسیادا، 31 هەزار سەربازیان لەدەستداوە، ئەمەش یەکەم ئاماری فەرمییە کە ژمارەی کوژراوانی سەربازانی ئۆکرانیا ئاشکرا بکات.

سەرۆکی ئۆکرانیا، ڤلادیمێر زێلێنسکی لە کۆنگرەیەکی رۆژنامەوانیدا رایگەیاند، "لەو شەڕەدا 31 هەزار سەربازی ئۆکرانیا کوژراوە، نەک 300 هەزار سەرباز و 150 هەزار سەرباز، پۆتین لەوبارەوە درۆ دەکات" هەرچەندە ئەوە زیانێکی گەورەیە پێمان گەیشتووە.

ئاماژەی بەوەشکرد، ناتوانین ژمارەی بریندارەکانمان ئاشکرا بکەین، هەروەها دژی پلانە سەربازییەکانی رووسیا دەوەستینەوە.

ئەمە یەکەم جارە لە دوای ساڵی 2022ەوە، ئاماری کوژراوانی ئۆکرانیا ئاشکرا دەکرێت، پێشووتر راوێژکاری سەرۆکایەتی، میخایلۆ بودولیاک رایگەیاندبوو، 13 هەزار سەربازی ئۆکرانیا کوژراوە. هەرچەندە رووسیا ژمارەی کوژراوەکانی بە نهێنی هێشتووەتەوە و ئاشکرای نەکردووە.