English | عربی | Kurdî دواهەواڵ
ڕاستەوخۆ  
 
سه‌رۆك نێچيرڤان بارزانى پێشوازى له‌ باڵيۆزى نوێى فه‌ره‌نسا كرد
2024-02-26 [08:34 AM]

ZNA- هەولێر


ئێواره‌ى ئه‌مڕۆ دووشه‌ممه‌ 2024/2/26 به‌ڕێز نێچيرڤان بارزانى، سه‌رۆكى هه‌رێمى كوردستان له‌ ديدارێكدا له‌ هه‌ولێر له‌گه‌ڵ به‌ڕێز پاتريك دورێل باڵيۆزى نوێى فه‌ره‌نسا له‌ عێراق، وێڕای هيواى سه‌ركه‌وتن له‌ ئه‌ركه‌كه‌يدا، جه‌ختى له‌ خواستى هه‌رێمى كوردستان بۆ بره‌‌ودان به‌ په‌يوه‌ندييه‌كانى له‌گه‌ڵ فه‌ره‌نسا دووپات كرده‌وه‌ و سوپاسی پشتگیریی به‌رده‌وامی فه‌ره‌نسای بۆ عێراق و هه‌رێمی کوردستان کرد.

لاى خۆيه‌وه‌ به‌ڕێز دورێل خۆشحاڵيى خۆى به‌ ده‌ستبه‌كاربوونى وه‌ك باڵيۆزى وڵاته‌كه‌ى له‌ عێراق نيشاندا و دووپاتى كرده‌وه‌ كه‌ فه‌ره‌نسا به‌ بايه‌خ و گرنگييه‌كى زۆره‌وه‌ له‌ په‌يوه‌ندييه‌كانى له‌گه‌ڵ عێراق و هه‌رێمى كوردستان ده‌ڕوانێت و له‌ هاوكارى و پشتگيرييان به‌رده‌وام ده‌بێت.

له‌ ته‌وه‌رێكى ديكه‌ى ديداره‌كه‌دا هه‌ردوولا بيروڕايان ده‌رباره‌ى دۆخى سياسى و ئه‌منيى عێراق و هه‌رێمى كوردستان، به‌تايبه‌تى گرنگيى هه‌ڵبژاردنى په‌رله‌مانى كوردستان و په‌يوه‌ندييه‌كانى هه‌ولێر ـ به‌غدا گۆڕييه‌وه‌، هه‌روه‌ها باسيان له دوايين پێشهاته‌كانى ناوچه‌كه‌ و لێكه‌وته‌كانى كرد.





ئەم هەواڵە 241جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad