English | عربی | Kurdî دواهەواڵ
ڕاستەوخۆ  
 
مەسرور بارزانی: داوای پشتیوانی بەردەوامی ئەمەریکامان لە مافە دەستوورییەکانی هەرێمی کوردستان کردووە
2024-02-27 [07:59 AM]

ZNA-هەولێر


مەسرور بارزانی، سەرۆکی حکومەتی هەرێمی کوردستان لە پۆستێکی تۆڕی کۆمەڵایەتیی ئێکس (تویتەری پێشوو) رایگەیاند، لە کۆبوونەوەی لەگەڵ بەرپرسانی وەزارەتی دەرەوەی ئەمەریکا داوای پشتیوانی بەردەوامی ئەمەریکا لە سیستەمی فیدراڵیزم و مافە دەستوورییەکانی هەرێمی کوردستانی کردووە.

سەرۆکوەزیران مەسرور بارزانی ئاماژەی بەوەش کردووە، لەگەڵ هاوبەشەکانیان لە وەزارەتی دەرەوەی ئەمەریکا باسیان لە پەیوەندییەکانی هەولێر و بەغدا کردووە، هەروەها داوای پشتیوانی بەردەوامی ئەمەریکایان لە سیستەمی فیدراڵی و مافەکانی خەڵکی هەرێمی کوردستان کردووە.

سەرۆکی حکومەتی هەرێمی کوردستان باس لەوەش دەکات، لەگەڵ بەرپرسانی وەزارەتی دەرەوەی ئەمەریکا باسیان لە رێگەکانی دەستپێکردنەوەی هەناردەکردنی نەوتی هەرێمی کوردستان کردووە.

سەبارەت بە پرسی شەنگالیش؛ سەرۆکوەزیرانی هەرێمی کوردستان ئەوەی خستووەتەڕوو، هەڵوێستییان روونە دوای 10 ساڵ لە جینۆساید پێویستە رێککەوتنی شەنگال جێ بەجێ بکرێت، بۆ ئەوەی ئێزیدییەکان بگەڕێنەوە بۆ زێدی باوباپیرانیان.

وەکو ئەوەی سەرۆکوەزیرانی هەرێمی کوردستان باسی کردووە، بەردەوام دەبن لە بەرگریکردن لە مافی هەموو پێکهاتەکان و وەک پەناگە بۆ ئاوارەکان دەمێننەوە.





ئەم هەواڵە 202جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad