English | عربی | Kurdî دواهەواڵ
ڕاستەوخۆ  
 
پاکستان... بۆ یەکەم جار ئافرەتێک وەک فەرمانڕەوای پەنجاب هەڵبژێردرا
2024-02-27 [08:42 AM]

ZNA - هەولێر


مریەم نەواز شەریف، تەمەن 50 ساڵ، کچی سەرۆکوەزیرانی پێشووی پاکستان، بووە یەکەم ئافرەت لەو وڵاتەدا کە حوکمڕانی پارێزگایەک بکات، دوای ئەوەی لە پارێزگای پەنجاب بە سەرۆکوەزیران هەڵبژێردرا، کە قەڵایەکی بەهێزی خێزانەکەیە.

مریەم شەریف گرتنەبەری ئەم پۆستەی بە "شەرەف" بۆ هەموو ئافرەتێکی وڵات وەسف کرد، دوێنێ دووشەممە، سوێندی دەستووری خوارد و ڕایگەیاند، وەرگرتنی ئەو پۆستە هاوتایە لەگەڵ "نووسینی مێژوو".

مریەم کە بە میراتگری سیاسی نەواز شەریف دادەنرێت، دەڵێت، دڵخۆشە بە دانیشتن لەسەر ئەو کورسییەی باوکی لێی دانیشتبوو، دەشڵێت: "باوکم ڕاهێنانی پێکردم لەسەر چۆنیەتی بەڕێوەبردنی ئیدارەکە".

مریەم لە یەکەم وتاریدا لەبەردەم ئەنجومەنی یاسادانانی پارێزگاکەدا سوپاسی خودای کرد، دواتر سوپاسی نەواز شەریفی باوکی و شەهباز شەریفی مامی و ئەو پەرلەمانتارانەی کرد کە دەنگیان پێدا بۆ ئەوەی حوکمڕانی پارێزگای پەنجاب بکات.

جێگای سەرنجە باوکی کە بە شێوەیەکی بەرفراوان بە "شێری پەنجاب" ناسراوە، سێ جار وەک سەرۆکوەزیرانی بەریتانیا کاری کردووە و دوایین خولی سەرۆکایەتییەکەی لە ساڵی 2017 کۆتایی هاتووە.

مریەم دوای هەڵبژاردنی بۆ ئەم پۆستە دڵنیایی دەداتە یاسادانەرانی هەرێمەکە و دەڵێت: "ئەوە بەڵگەیە بۆ ئەوەی ئافرەت بوون و کچ بوون ناتوانێت خەونەکانت سنووردار بکات".





ئەم هەواڵە 283جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad