English | عربی | Kurdî دواهەواڵ
ڕاستەوخۆ  
 
بەریتانیا: هاووڵاتییەکی بولگاری بە تۆمەتی سیخووڕی کردن بۆ رووسیا دەستگیرکرد
2024-02-28 [08:24 AM]

ZNA-هەولێر


پۆلیسی بەریتانیا شەشەمین هاووڵاتیی بولگاری لە چوارچێوەی لێکۆڵینەوە لە دۆسیەیەکی سیخوڕی پەیوەندی بە رووسیاوە تۆمەتبار کرد.

ئەمڕۆ چوارشەممە، 28ـی شوباتی 2024، پۆلیسی بەریتانیا هاووڵاتییەکی بولگاری دەستگیر کرد، کە تێوەگلاوە لە سیخوڕیکردن بۆ رووسیا، تیهۆمیر ئیڤانۆڤ ئیڤانشۆف تەمەن 37 ساڵ کە لە رۆژئاوای لەندەن دەژی، لە 7ـی شوبات لە چوارچێوەی لێکۆڵینەوەکانی فەرماندەیی بەرەنگاربوونەوەی تیرۆری پۆلیسی میترۆپۆلیتان دەستگیرکرا.

لای خۆیەوە پۆلیس ئیڤانچۆڤی دەستگیرکرد وەک ئامادەکارییەک بۆ ئامادەبوونی لەبەردەم دادگای وستەمینستەر ئەمڕۆ چوارشەممە لە لەندەن.

ئیڤانچێڤ تۆمەتبار کرا بە "پیلانگێڕی بۆ کۆکردنەوەی زانیاری کە مەبەست لێی سوودی راستەوخۆ یان ناڕاستەوخۆ بۆ دوژمن بێت و بۆ مەبەستێک کە زیان بە سەلامەتی و بەرژەوەندییەکانی دەوڵەت بگەیەنێت".

لە چوارچێوەی هەمان لێکۆڵینەوەدا پێنج بولگاری دیکە تۆمەتبار کران و بڕیارە لە مانگی تشرینی یەکەمی داهاتوودا دادگاییکردنیان دەستپێبکات.

دۆسیەکە باس لەوە دەکات کە ئەوان "بەیەکەوە و لەگەڵ جان مارسالیک بەرپرسی پێشووی کارگێڕی کۆمپانیای پارەدانی نەمسایی و کەسانی نەناسراو پلانیان داناوە بۆ بەدەستهێنان، کۆکردنەوە، تۆمارکردن، بڵاوکردنەوە و گواستنەوەی بەڵگەنامە یان زانیاری بۆ مۆسکۆ".





ئەم هەواڵە 265جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad