English | عربی | Kurdî دواهەواڵ
ڕاستەوخۆ  
 
سەرۆك بارزانی و سەرۆكی ئەرمینیا: ئاشتی تاكە ڕێگەی چارەسەركردنی گرفتەكانی گەلانی ناوچەكەیە
2024-02-29 [01:09 AM]

ZNA-هەولێر


سەرۆك بارزانی و سەرۆكی ئەرمینیا جەخت لەوە دەکەنەوە، ئاشتی تاكە ڕێگەی چارەسەركردنی گرفتەكانی گەلانی ناوچەكە و نەوەكانی داهاتووە. هاوکات جەخت لە قووڵكردنی پەیوەندییە بازرگانیەكانی هەرێمی كوردستان و وڵاتی ئەرمینیا دەکەنەوە. 

ئەمڕۆ پێنجشەممە، 29ی شوباتی 2024، لە سەلاحەددین سەرۆك مەسعود بارزانی پێشوازی لە ڤاهگن خاچاتوریان، سەرۆكی ئەرمینیا كرد.

بە گوێرەی راگەیەندراوێکی بارەگای بارزانی، لە دیدارەكەدا سەرۆكی ئەرمینیا ستایشی پێشكەوتن و ئارامیی هەرێمی كوردستانی كرد و ڕۆڵی سەرۆك بارزانیی لە ڕەخساندنی ژینگەیەكی ئارام و پێكەوەژیانی نێوان پێكهاتەكان لە هەرێمی كوردستان و هەروەها ڕووبەڕووبوونەوەی تیرۆر و توندڕۆیی بەرز نرخاند.

هەر لەو كۆبوونەوەیەدا، وەکو ئەوەی لە راگەیەندراوەکەدا هاتووە: "سەرۆك بارزانی بە گەرمی بەخێرهاتنی سەرۆكی ئەرمینیای كرد و ئاماژەی بە پەیوەندییە مێژووییەكانی نێوان گەلی كوردستان و گەلی ئەرمینیا دا و سوپاسی سەرۆك و وڵاتی ئەرمینیاشی كرد بۆ ڕێزگرتن لە مافەكانی كوردانی نیشتەجێیی وڵاتی ئەرمینیا".

ئەوەش خراوەتەڕوو: "هەردوولا لەسەر ئەوە هاوڕا بوون كە ئاشتی تاكە ڕێگەی چارەسەركردنی گرفتەكانی گەلانی ناوچەكە و نەوەكانی داهاتووە".

لە بەشێكی دیکەی ئەو دیدارەدا جەخت لە قووڵكردنی پەیوەندییە بازرگانیەكانی نێوان هەرێمی كوردستان و وڵاتی ئەرمینیا كرایەوە.

پەیوەندییەكانی نێوان هەرێمی كوردستان و عێراقی فیدڕاڵ تەوەرێكی تری ئەو دیدارە بوو و سەرۆك بارزانی ئەوەی دووپاتكردەوە كە پابەندبوون بە دەستوور تاكە ڕێگەی چارەسەریی كێشەكانی نێوان هەرێمی كوردستان و حكوومەتی عێراقی فیدڕاڵە.

 

دیمەنێکی دیکەی کۆبوونەوەکەی سەرۆک بارزانی و سەرۆکی ئەرمینیا (وێنە: بارەگای بارزانی)

 





ئەم هەواڵە 577جار خوێندراوەتەوە
 
 
ڤیدیۆ گەلەری
گۆلچی هامبۆرگ گۆلێكی ده‌گمه‌ن له‌ خۆی ده‌كات
گۆڵێكی سه‌یر له‌لایه‌ن گۆڵچیه‌وه‌
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad