 |
|
|||
ZNA:هەولێر زاناکانی فەڕەنسا لە توێژینەوەیەکی نوێدا ئاشکرایان کرد، مێروولە لە توانایدایە نەخۆشیی شێرپەنجە دەستنیشان بکات و دەتوانرێت لە ئایندەدا وەک رێگایەک بۆ پشکنینی دەستنیشانکردنی ئەم نەخۆشییە بەکاربهێنرێت. توێژینەوەکە لە گۆڤاری "Proceedings of the Royal Society B: Biological Sciences" بڵاوکراوەتەوە، لەلایەن خۆشیەوە پاتریسیا دیتۆری داڕێژەرەوەی توێژینەوەکە و مامۆستا لە زانکۆی سۆربۆرن رایگەیاندووە: دەتوانرێت مێروولە وەک دۆزەرەوەیەکی چالاک بۆ وەرەمی شێرپەنجەیی بەکار بهێنرێت، هەروەها بە ئاسانی مێرووەکە رادەهێنرێت و تێچووەکەشی کەمە. ئەم توێژینەوەیە پشتی بە توێژینەوەیەک بەستووە کە لە رابردوودا لەلایەن دیتۆری و تیمەکەیەوە ئەنجامدراوە، لە توێژینەوە نوێیەکەدا 70 مێروولە لە جۆری "فۆرمیکا فۆسکا" بەکارهێنراوە لەگەڵ چەند سامپڵێک لە میزی مشکی تاقیگە کە هەندێکیان هەڵگری وەرەمی شێرپەنجەن و هەندێکیشیان شێرپەنجەیان نییە، دوای سێ تاقیکردنەوە، دەرکەوت مێروولەکان بەرخودیان لەگەڵ بۆنی ئەو میزەدا جیاوازە کە مشکەکان هەڵگری وەرەمی شێرپەنجەیین و هەست بە جیاوازییەکەی دەکەن. ئەم هەواڵە 169جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad