2018-06-13 [02:51 AM]

لەراگەیاندراوێکدا بەڕێوەبەری ڕاگەیاندنی پۆلیسی گەرمیان ڕایدەگەیەنێت , کوڕێکی تەمەن ٢١ ساڵ بە دەمانچە ھێرشی کردۆتە سەر دایکی و برینداری کردوە 

لەراگەیاندراوێکدا ، ڕائیدی مافپەروەر علی جەمال قدووری  بەڕێوەبەری ڕاگەیاندنی پۆلیسی گەرمیان ڕایدەگەیەنێت ، بەیانی ئەمڕۆ چوارشەمە ١٣ ی حوزەیرانی ٢٠١٨ ،  ئافرەتێک ھێنرایە بەشی فریاکەوتنی شەھید ھەژار لەکەلار کەبەھۆی بەرکەوتنی فیشەکەوە بریندار ببوو. 

 لە راگەیندراوەکە ھاتووە ,  بەوتەی ئەوئافرەتە کوڕەکەی کەتەمەنی ٢١ساڵە نەخۆشی دەرونی ھەیە بەیانی ئەمڕۆ لەکاتێک ویستوویانە چارەسەری دەرونی پێ بدەن ھەڵچوەو بەچەکی براکەی فیشەکی پێوەناوە و بەرلاقی کەوتوە. 

لە راگەیندراوەکە ئاماژە بەوەکراوە ،  لەئێستادا تۆمەتبارلەلایەن بنکەی پۆلیسی ناحییەی ڕزگاریەوە دەستگیرکراوەو بەپێی بەگڵەی پزیشکی تۆمەتبار نەخۆشی دەرونی ھەیە و لەئێستاشدا بەبڕیاری دادوەربەپێی مادەی ( ٤٠٥ فەقەرە ٣١ ) بەندکراوە.

یاسین ئەحمەد