 |
|
|||
ZNA-هەولێر ژنە پەرلەمانتارێکی رووسیا، داوای لە ژنانی وڵاتەکەی کرد، خۆیان لە پیاوانی رەشپێست بەدوور بگرن و لە کاتی مۆندیالدا سەرجێی لەگەڵ رەشپێستەکان نەکەن، بۆ ئەوەی نەوەیەکی دوو رەچەڵەک نەھێننە دنیاوە. تمارا بلیتنیۆڤا، سەرۆکی لیژنەی کاروباری ژن و منداڵ لە ئەنجوومەنی دۆمای رووسیا(پەرلەمان) رایگەیاند، ئەو ئافرەتە رووسیانەی دەکەونە پەیوەندی لەگەڵ بیانیەکان، زۆربەی جار، پەیوەندییەکەیان بە ناخۆشی کۆتایی دێت. کاتێکیش دەچنە دەرەوەی وڵات، تووشی زەحمەتی زۆر دەبن و ناتوانن منداڵەکانیان بگێڕنەوە. ساڵی ١٩٨٠ یارییەکانی ئۆڵۆمپیاد لە رووسیا بەڕێوەچوون و دوای ئۆڵۆمپیاد، منداڵانێک لەدایکبوون، کە ناسنامەی باوکیان دیار نەبوو، دوو رەچەڵەکی بوون و بە "منداڵی ئۆڵۆمپیاد" ناویان دەبردن، چونکە ئەو کاتە لە رووسیا دەستکەوتنی ئامرازەکانی رێگری لە سکپڕبوون کەمبوون و ھەموو ئافرەتێک نەیدەتوانی بەدەستیان بخات، بۆیە زۆربەی ئەو ئافرەتە رووسیانەی لەگەڵ ھاندەرانی بیانی خەوتبوون دووگیان ببون و کۆرپەکانیان سپی پێست نەبوون. ئەو ژنە پەرلەمانتارە بە رادیۆی (گۆڤۆریت مۆسکڤا)ی راگەیاندووە، پێویستە ژنانی رووس خۆیان لە سەرجێی لەگەڵ رەشپێستەکان و دووگیان بوون لێیان بپارێزن، چونکە منداڵانێک دەخەنەوە، کە وەک رووسەکان نین و سەرەنجام ئەو منداڵانە رووبەڕووی جیاکاری دەبنەوە. بلیتنیۆڤا، ئەوەشی گوت: بیانییەکان کاتێک دێنە وڵاتەکەمانەوە، ڤایرۆسی جۆراو جۆر لەگەڵ خۆیان دەھێنن و ئافرەتانی رووس تووش دەکەن. بە بۆنەی دەستپێکردنی مۆندیالەوە، ھاندەران لە ٣١ وڵاتی جیھانەوە روو لە رووسیا دەکەن بە مەبەستی بینینی یارییەکان. بڕیارە ئەمڕۆ پێنجشەممە (١٤ی حوزەیران/ یۆنیۆی ٢٠١٨) ئاھەنگی دەستپێکی یارییەکانی جامی جیھانی تۆپی پێ بە یاری نێوان رووسیا و سعوودیە دەستپێ بکات. سەرچاوە: رۆیتەرز ئەم هەواڵە 90109جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad